Elbasy Nursultan Nazarbaev Reseı Federasııasy Federaldyq Jınalysy Federasııa Keńesiniń Tóraıymy Valentına Matvıenkomen kezdesti, dep habarlady Qazaqstan Prezıdentiniń baspasóz qyzmeti.
Kezdesý barysynda eki eldiń ózara yqpaldastyǵyn, sonyń ishinde parlamentaralyq saladaǵy is-qımylyn nyǵaıtý máseleleri talqylandy. Nursultan Nazarbaev Qazaqstan men Reseı arasyndaǵy yntymaqtastyq kópjaqty sıpatta ekenin, oǵan negiz qalaýshy qujat HHI ǵasyrdaǵy tatý kórshilik jáne odaqtastyq týraly shart bolyp sanalatynyn jáne ol Eýrazııalyq ekonomıkalyq odaq qurý týraly sheshim qabyldaýǵa yqpal etkenin atap ótti.
Bul oraıda Qazaqstan Prezıdenti osy ıntegrasııalyq birlestiktiń damýyna nazar aýdardy, sondaı-aq, Eýropalyq komıssııa tóraǵasy J.-K.Iýnkermen kúzde Eýrazııalyq ekonomıkalyq odaq – Eýropalyq odaq birlesken forýmyn ótkizý týraly ýaǵdalastyqqa qol jetkizilgenin aıtty.
Reseı Federaldyq Jınalysy Federasııa Keńesiniń Tóraıymy qabyldaý úshin alǵys aıtyp, eki eldiń arasyndaǵy strategııalyq jáne dostyq qarym-qatynastardy odan ári damytýǵa bar kúsh-jigerin jumsaýǵa ázir ekenin bildirdi.
Kezdesý barysynda Memleket basshysy, sondaı-aq, V.Matvıenkoǵa Qazaqstan men Reseı arasyndaǵy dostyq pen yntymaqtastyqty nyǵaıtýǵa qosqan úlesi úshin II dárejeli «Dostyq» ordenin tapsyrdy.