Astana qalasy boıynsha qarjylyq baqylaý ınspeksııasynyń ótken jylǵy baqylaý jumysynyń qorytyndylary jarııalandy.
Baqylaý ınspeksııasy taratqan málimetterge súıensek, 2015 jyly Astana qalasy boıynsha 143 mlrd. teńgeni paıdalaný zańdylyǵy maqsatynda 350 baqylaý is-sharasy júrgizilgen. Bul rette zańnamanyń normalaryn buzýshylyqtar 89,1 mlrd. teńge somasyn quraǵan. Jiktep aıtar bolsaq, qarjylyq – 21,7 m???.lrd. teńge, rásimdik – 22,4 mlrd. teńge, bıýdjetti atqarý boıynsha – 11 mlrd. teńge, memlekettik satyp alý boıynsha buzýshylyqtar 34,2 mlrd. teńge somasynda.
Inspeksııanyń engizgen yqpal etý aktileri boıynsha bıýdjet kirisine qaıtarylýy jáne esepke alý boıynsha, sonymen birge, taýarlardyń, jumystardyń jáne qyzmetterdiń ónim berýshileriniń sharttyq mindettemelerdi oryndaýy boıynsha qalpyna keltirilýi tıis qarjynyń jalpy somasy 15,6 mlrd. teńge bolyp otyr. Onyń jalpy somasy 15,5 mlrd. teńgeni nemese 99,3 paıyzyn qaıtarý jáne qalpyna keltirý qamtamasyz etilgen. Budan basqa, baqylaý nysandary 29 memlekettik satyp alý qorytyndylarynyń kúshin joıǵan jáne qaıta qaraǵan.
Astana qalasy boıynsha qarjylyq baqylaý ınspeksııasy sybaılas jemqorlyq úshin jaǵdaılar týǵyzatyn quqyq buzýshylyqtardy boldyrmaý jáne buzýshylyqtardyń jolyn kesý boıynsha jumystardy turaqty negizde júrgizýde. Sondaı-aq, esepti kezeńde 127 laýazymdy adam ákimshilik jaýapkershilikke, 388 qyzmetker tártiptik jaýapkershilikke tartylǵan. Sonymen qatar, qylmystyq jazalanatyn áreketterdiń belgileri bolýyna baılanysty quqyq qorǵaý organdaryna is júrgizý sheshimin qabyldaýǵa 32,7 mlrd. teńge somasyn quraıtyn 19 materıal jiberilgen.
Dınara BITIKOVA,
«Egemen Qazaqstan»