jastar arasyndaǵy Azııa chempıonatynda erledi
Pavlodarda 8 mamyr kúni márege jetken Azııanyń bokstan jastar arasyndaǵy jetinshi chempıonaty qazaqstandyqtardyń zor jeńisimen aıaqtaldy. Onda elimizdiń jas bylǵary qolǵap sheberleri 6 altyn, 1 kúmis jáne 3 qola medal jeńip alyp, komandalyq esepte birinshi orynǵa kóterildi. Ekinshi oryndaǵy О́zbekstan jastary 3 altyn, 3 kúmis jáne 3 qola medalǵa qol jetkizdi. Úshinshi orynǵa shyqqan japon boksshylarynda 1 altyn, 2 qola medal bar.
Fınaldyq aıqasty 49 kılodaǵy qazaqstandyq Vasılıı Samchýk pen ózbek Otabek Holmatov bastady. Onda bizdiń oǵlan 2:1 esebimen basym tústi. Kelesi salmaq dárejesinde (52 kg) japon Haıato Sýsýmı koreıalyq Lı Hı-Seopty osyndaı eseppen súrindirdi. Qazaqstanǵa ekinshi altyn medaldy 56 kg salmaqtaǵy Serik Temirhanov qyrǵyz Nýrsýltan Mamatalıdi 3:0 etip jeńý arqyly alyp berdi. О́zbekstandyq Bılolbek Mırzarahımov úndistandyq Ankýsh Dahıamen aıqasta 60 kıloǵa deıingi salmaqtyń «altynyn» enshiledi. Sodan sońǵy 64 kg salmaqta da úndistandyq boksshy utylyp qaldy. Ol – Aıhýsh Kýlhırııa qazaq Aıatýlla Tákijanovqa ese jiberdi.
Kelesi 69 kıloǵa deıingi salmaqta qazaqstandyq Oleg Matveıchýk pen ózbek Ýlýgbek Sobırovtiń arasyndaǵy jekpe-jek te óte tartysty ótti. Onyń qorytyndysynda tóreshiler ózbek sportshysyn jeńimpaz dep tanydy. 75 kg salmaqta qazaqstandyq Aman Qazanǵapov túrikmen Nýrıagdı Nýrıagdıevti 3:0 etip utty. 81 kıloǵa deıingi salmaqta Sanjar Týrsýnov úndistandyq Reıal Pýrıdi qatty tartys ústinde jeńdi. Al sońǵy eki salmaqta Qazaqstan men О́zbekstan boksshylary ushyrasyp, ekeýinde de bizdiń jigitterdiń mereıleri ústem boldy. Atap aıtqanda, 91 kıloda Dmıtrıı Ahsıger – Shohrýz Rahımovtan, 91 kılodan aýyr salmaqta Nurdáýlet Ulanuly Abdýlla Hýdoganovtan basym tústi.
Qazaqstandyqtar sapynan chempıonattyń qola júldesin Aıdos Arapov (52 kg), Qazbek Sápenov (60 kg) jáne Eldııar Qamshybekov (81 kg) aldy.
Damır QOJAMQUL