«Almatydaǵy áıgili «Dostyq» sport kesheni satylymǵa qoıyldy. Keshenniń baǵasy – 3,7 mıllıard teńge shamasynda», dep habarlady jyljymaıtyn múlik saýdasymen aınalysatyn «Krysha.kz» kommersııalyq portaly.
1983 jyly salynǵan sport kesheni satylymda kepildik múlik retinde turǵany habarlanýda. Atalǵan ǵımarattyń menshiktik quqyǵyna ıe bolǵan «Qazkommersbank» qarjy mekemesi «Dostyq» keshenin kepilge qoıǵan kásipkerdiń bank aldyndaǵy qaryzyn óteı almaı, budan birneshe aı buryn saýdaǵa qoıǵanyn, bir márte almaqshy bolǵan klıent bas tartqannan keıin taǵy da saýda alańyna shyǵarylǵanyn aıtqan.
2000 jylǵa deıin Týrızm jáne sport agenttiginiń qaraýynda bolǵan «Dostyq» sport kesheni keıinirek qarjylyq jaǵdaıǵa baılanysty aksıonerlik qoǵam bolyp ózgergen bolatyn. Aýmaǵy 7,3 myń sharshy metrdi quraıtyn keshende 6 tennıs korty, 3 fýtbol alańy men kóptegen arnaýly jáne ákimgershilik ǵımarattar ornalasqan.
Qanat ESKENDIR,
«Egemen Qazaqstan»
ALMATY