Jas oryndaýshylardyń dástúrli respýblıkalyq «Jas qanat» estradalyq án baıqaýy Beıbitshilik jáne kelisim saraıynda 20-22 mamyr aralyǵynda ótedi dep josparlanýda. Eske sala ketetin jaıt, el Táýelsizdigi men «Jas qanatqa» bıyl 25 jyl tolyp otyr. Sol sebepti de jer-jerdegi talantty jastardy qoldap, kóktemgi bulaqtyń kózin ashýda jemisti eńbek etip kele jatqan án baıqaýynan ústimizdegi jyly erekshe syılar kútilýde.
Osynaý jobaǵa oraı 1992 jyly ótken «Jas qanat» baıqaýynyń laýreaty, búginde qazaq ulttyq estrada óneriniń juldyzy Medeý Arynbaev óz oıyn bizge bylaısha baıandap berdi: «Jas qanat» osy aralyqta elimizdegi eń bedeldi de tanymal án baıqaýyna aınalǵany ras. Onyń sahnasynda alǵash ret óner kórsetken shat-shadyman shaq kúni keshe ǵana sııaqty edi... Qaıran, 25 dep halqymyz erekshe súıispenshilikpen úmit artqan, nebir ásem ánge arqaý bolǵan jalyn atqan, jyr unatqan jas emes pe bul? Sondyqtan, shirkin, asaý da bula 25-tiń minezine laıyq tamasha talanttar tanylar sátke sanaýly ǵana kúnder qaldy».
– Alǵashqy báıge qandaı erekshelikterimen este qaldy? – degen suraǵymyzǵa ánshi: «Ol ýaqytta baıqaýǵa tirkelýdiń ózi ońaı bolmaıtyn. Aranjırovka men tehnıkaǵa jaýapty mamandardyń azdyǵy, án jazdyratyn stýdııanyń joqtyǵy... t.s.s dúnıeler jas ánshiler óneriniń tolyqqandy ashylýyna kóp qıyndyq týǵyzdy.
О́kinishke qaraı, aqparat taratý múmkindigi de tym shekteýli boldy. Qatysýshylardy tabý shóp úıiminen ıne izdegendeı is edi ári olardy amalsyz meıramhanalardan izdeýge májbúr bolatyn.
Áıtkenmen de «Jas qanat» baıqaýy óziniń mártebesin eshqashan túsirgen emes. Tipti, 1992 jylǵy baıqaýda birinshi júlde eshkimge buıyrmaı qaldy. Nege? Onysy óte durys sheshim edi. О́ıtkeni, «Jas qanat» baıqaýynan kásibı joǵary deńgeı, tııanaqty daıyndyq talap etildi. Osy arqyly ol búginde elimizdiń eń bedeldi baıqaýyna aınaldy, – dep jaýap berdi. – Árıne, ýaqyt bir orynda turmaıdy. Jıyrma bes jylda kóp nárse ózgerdi, tipti ýaqyt ta. Qazirgi kúni túrli televızııalyq baıqaýlar, realıtı-shoýlar paıda boldy. Tehnıkanyń múmkindigi áldeqaıda artty, qazir qatysýshylarǵa SMS arqyly ne áleýmettik jelilerde daýys beriledi.
Osyndaı baıqaýlardyń kóptigi, árıne, kásibılikti ekinshi orynǵa ysyryp jiberetini qıyn, ıaǵnı «harızma» alǵashqy orynǵa qoıylady. Búginde myqty vokaldyń ózi eskerilmeı qalatyny jasyryn jaıt emes. Al, «Jas qanat» baıqaýynyń ózge saıystardan aıyrmashylyǵy – basty nazar árdaıym kásibı deńgeıge aýdarylyp, daıyndyqqa barynsha mán beriletindigi.
– Án baıqaýynyń taǵy qandaı qyrlary kóńil aýdartady?– degen suraǵymyzǵa sahna juldyzy: «Alǵashqy baıqaýdan bastap ár qatysýshy 2 án oryndaıdy. (Ár baıqaý kúni – bir ánnen), 2007 jyldan bastap óner saıysynyń talaby ushtatyldy, sodan beri saıys 3 kezeń boıynsha ótiledi, ári ár kezeńde upaıy tómendegen qatysýshy saıystan shyǵarylyp otyrady. Jalpy, qazylar alqasyna 546 án usynyldy. Onyń 24-i birneshe ret oryndaldy. Al, baıqaýǵa qatysýǵa nıet bildiretinderdiń sany ortasha eseppen 75-80 ótinimdi quraıdy, al 25 jylda bul kórsetkish 5 774 ótinimge deıin ósti», dedi.
Qarshyǵa KÚLEN