Oqyǵan kisilerden estip, kitaphanalardan izdep, gazetten gazet qoımaı, aqyry «Egemen Qazaqstan» gazetiniń osy jylǵy 11 naýryzdaǵy «Sharq urǵan qyran edim keń dalany...» atty Ǵabıt Iskenderulynyń aqyn О́mirzaq Qojamuratovpen «syrttaı suhbatyn» muqııat oqyp shyqtym. Zamandasym, dostyǵymyz jarasqan, júreginiń jylýyn aıamaǵan altyndaı azamat-aqynnyń jalyndy jyrlarynyń ottaı sharpyǵan órnekterine taǵy bir márte tushyndym. О́.Qojamuratovtyń basqaǵa uqsamaıtyn bolmysyn biletinderdiń barlyǵyna qýanyp, avtor tiliniń ýyttylyǵyna rıza bolyp, atyna arnaıy sheksiz rahmetimdi aıtqym keldi!
Iá, О́.Qojamuratov darynymen aqyndyǵyn tanytyp, qylshyldaǵan qyryqtyń ústinde jaryq dúnıemen máńgi qoshtasyp, baqılyqqa attandy. Týǵanyna 80 jyl tolyp, aqynnyń mereıtoıy ótetin sátti jyly osy jyl bolatyn...
Aqynnyń 60 jyldyǵy ázer degende ózi ósken Tamdysynda, 70 jyldyǵy ony biletin azǵana kisiler tobymen Almatyda ótkenin biletinbiz. Basymyzdan ótken toqyraý, Keńes Odaǵy ydyrap, ár el óz egemendigin ala sala, irgesin, shapanynyń etegin jııa bastaǵan dúbirli kezeń О́mirzaq ósken Taýelibaı óńirindegi qazaqtardyń da tarydaı shashylyp, atajurtqa qonys aýdarýyna ákeldi.
Asa daryndy, bitimi bólek, jeri men elin sheksiz súıip, ol jóninde jalyndy jyrlar jazǵan О́.Qojamuratovty О́zbekstannyń Taýelibaı óńirinde bilmeıtin jan bolmaǵan-dy. Mektep qabyrǵasynda júrgende-aq óńeshin órtegen óleńin jaza bastap, jyl ótken saıyn «Jumyr jerge júrek bolyp ot berip», alystaǵy atajurtqa tanylǵany onyń ómiriniń shyndyǵy edi. Aqyn jyrlarynda, dúnıetanymynda, ómirge degen súıispenshiliginde basqalarda sırek kezdesetin qasıet – tutastyq bar edi. Osy qasıet ádepten-aq qazaqtyń jyr alyptarynyń jyly lebizine, aýzyna ilindirip tanytty da. Biraq basqanyń ózine bergen azaryna shydamaı, az ǵana ómirin azap pen qasirettiń qurbanyna aınaldyryp aldy. О́mirzaqtyń mundaı jaǵdaıǵa túsýine sol kezdegi talantty baǵalamaıtyn qoǵamnyń ur da jyq ulyqtarynyń qııanaty sebep edi.
Qazaq poezııasynyń alyptarymen kezdeskende О́.Qojamuratovtyń óleńine berilgen baǵa qanshama. Olar jazylyp ta, aıtylyp ta júr. Aqynnyń atyn máńgi este qaldyrý maqsatynda týǵan jerinde mektepke esimi de berilgen. Al qazirgi kezde jas urpaq onyń otty óleńderin jatqa oqıdy. Olardy estiseń, júregińdi jylytyp, janyńdy rahatqa bóleıdi, eriksiz yrǵaǵyna janyń terbelgendeı kúı keshesiń.
Zamanynda О́mirzaq Qojamuratovtyń shynaıy darynyn tanyp, qolushyn bergen tanymal synshy Zeınolla Serikqalıuly aqyndy kózi tirisinde Almatyǵa aldyryp, «Oı keshý», «Kún astynda qudiret» atty kitaptaryn bastyrtqany onyń azamattyǵynyń belgisi emes pe! Ol, sirá, umtylar ma? Osyndaıda aqynnyń ulylyǵyn tanytatyn poezııa keshin uıymdastyryp, 80 jyldyq mereıtoıyn atap ótýge atsalysatyn azamattar tabylsa ǵoı...
Menińshe, óleń-jyrdyń qudiretin tereń túsinetin adamdardyń О́mirzaq Qojamuratovty umytýy múmkin emes. Onyń jyrlarynyń ómirsheńdigi jyrǵa yntyq talapkerlerdiń de shabytyn sharyqtatatyny daýsyz.
Úsebaı JUMABEKOV,
ardager-zeınetker
Qostanaı oblysy,
Rýdnyı qalasy