AQSh prezıdenti Barak Obama osy aıda Japonııanyń Hırosıma qalasyna barady. Obama atom bombasy tastalǵan birinshi Hırosıma qalasyna barǵan AQSh-tyń is basyndaǵy alǵashqy prezıdenti retinde tarıhta qalady.
Halyqaralyq aqparat agenttikteri habarlap jatqandaı, Aq úı basshysy Hırosımada 27 mamyrda Azııa qurlyǵy elderine jasaıtyn sapary aıasynda bolmaq. Sondaı-aq, ol Japonııada «úlken jetilik» elderiniń sammıtine qatysyp, ári qaraı onyń sapary Vetnamda jalǵasady. AQSh prezıdenti ákimshiliginiń taratqan aqparattary boıynsha, Barak Obamanyń bul sapary «onyń beıbitshilik pen ıadrolyq qarýsyzdaný» qaǵıdatyna adal ekenin bildiredi. Biraq, AQSh bıligi B.Obama Hırosımada resmı túrde keshirim suraýy yqtımaldyǵyn joqqa shyǵaryp otyr. Budan 70 jyldaı buryn Hırosıma men Nagasakı qalalaryna AQSh tarapynan tastalǵan atom bombalary 150 myńǵa jýyq adamnyń ómirin jalmaǵan edi.
Kansler otstavkaǵa ketetinin málimdedi
Avstrııanyń kansleri Verner Faıman qyzmetinen ketedi jáne Avstrııa sosıal-demokratııalyq partııasy tóraǵasy laýazymynan da bosaıdy. Bul jóninde ARA agenttigi habarlady.
Ol óziniń osyndaı sheshimge kelgeni týraly partııanyń óńirlik jetekshilerimen kezdeskennen keıin málimdegen. Saıasatkerdiń sózine qaraǵanda, ol óziniń júrgizip jatqan saıasaty partııalastary arasynda onsha kóp qoldaý tappaǵan soń, otstavkaǵa ketý jóninde sheshim qabyldap otyr. Verner Faıman Avstrııa kansleri qyzmetin 2008 jyldyń jeltoqsanynan atqaryp keledi. Sońǵy ýaqytta ol bosqyndar máselesinde bosańdyq tanytqany úshin jıi synǵa ushyrap júr. О́tken jyldyń kúzinde saıasatker Eýropada qalyptasqan bosqyndar problemasy Eýropalyq odaqqa erekshe qaýip týǵyzatynyn, tipti, Eýroodaqty taratýy yqtımal ekenin de aıtqan edi.
Prezıdent 72 saǵat ýaqyt berdi
Venesýela prezıdenti Nıkolas Madýro qylmysker toptarǵa beıbit jolmen el bıligine berilýge jáne qarýlaryn tapsyrýǵa úsh táýlik mursat berdi.
Eldiń memlekettik telearnasy efırinen sóılegen sózinde prezıdent: «Bizdiń balalarymyz beıbitshilik jaǵdaıynda ómir súrýi tıis. Bizben kelisimge kelgisi keletin toptardyń 72 saǵat ýaqyty bar», – depti. Eger qylmystyq toptar munymen kelispese, Madýro olardy kúsh qoldaný ádisimen talqandaýǵa ýáde bergen. Onyń sózine qaraǵanda, qarý-jaraqtaryn tapsyrýdan bas tartqandarǵa qatal jaza qoldanylýy da múmkin. Ol úshin eldiń qarýly kúshteri, ulttyq polısııa, arnaıy qyzmet organdary tartylatynyn atap ótken.
Qysqa qaıyryp aıtqanda:
Sońǵy aqparattarǵa qaraǵanda, «Islam memleketi» degen top (Qazaqstanda tyıym salynǵan – red.) sodyrlary Palmıra aýdanyndaǵy (Sırııa) Shaer jáne Mahr atalatyn gaz óndirý kenishterin basyp alǵan. Bul nysandar Homs pen Damaskidegi elektr stansalaryn otynmen qamtamasyz etedi.
Florıda shtatynan senatorlyqqa saılanǵan Marko Rýbıo mıllıarder Donald Tramppen birge, óziniń AQSh-tyń vıse-prezıdenti laýazymyna umtylmaıtynyn málimdedi.
AQSh-tyń Konnektıkýt shtatynda osydan 48 jyl buryn túrmeden qashqan 71 jastaǵy Robert Stakovıs degen qylmysker ustaldy. Ol 1966 jyly qaraqshylyq qylmysy úshin qamaýǵa alynyp, 17 jylǵa sottalǵan eken.
Nıý-Iorktiń ońtústik okrýginiń federaldyq soty О́zbekstan prezıdentiniń qyzy Gúlnara Karımova men onyń mańaıyndaǵy adamdarǵa tıesili degen 850 mıllıon dollardy tárkileý týraly AQSh prokýratýrasy qozǵaǵan isti ýaqytsha toqtatty.
Áskerı qyzmetkerler sanyn kóbeıtedi
Germanııanyń qorǵanys mınıstrligi el áskeriniń sany kóbeıtiletinin málimdedi. «Bı-bı-sıdiń» habarlaýynsha, ásker qatary 1990 jyly eki Germanııanyń birikken kezinen beri kóbeıtilmegen.
Eldiń qorǵanys mınıstri Ýrsýla fon der Lıaeınniń málimdeýinshe, nemis áskeri sanynyń keńeıýi aldaǵy jeti jyl boıy júrgiziledi. Osy kezeńde onyń qataryn 14 myńǵa jýyq áskerı qyzmetker men 4,5 myń qyzmetker tolyqtyrady. Mınıstr munyń qajettiligin sońǵy jyldary býndesver áskerı qyzmetkerleriniń álemdegi is-qımyldarǵa jıi qatysýmen túsindirdi. Mysaly, nemis sarbazdary men ofıserleri NATO is-qımyldaryna qatysyp, Jerorta teńizinde bosqyndardy qutqarýmen aınalysqan. Búginde býndesverdiń sany 177 myńǵa jýyq adamdy quraıdy.
Taǵy bir ekstremıstiń kózi joıyldy
AQSh bastaǵan halyqaralyq koalısııa Iraktaǵy Anbar provınsııasynyń aýmaǵynda «Islam memleketi» degen ekstremıstik uıym jetekshileriniń birin óltirgen.
AQSh qorǵanys mınıstrliginiń resmı ókili Pıter Kýktiń aıtýyna qaraǵanda, halyqaralyq koalısııa kúshteriniń áýeden soqqy jasaýynyń nátıjesinde Rýtba qalasynyń mańynda «Islam memleketiniń» Anbar provınsııasyndaǵy ámirshisi Ábý Vahıb óltirilgen. «Ál-Kaıdanyń» burynǵy múshesi Ábý Vahıbti qamaýǵa alyp, ólim jazasyna kesken bolatyn. Biraq, ol 2012 jyly qamaýdan qashyp ketken edi. Odan keıin Á.Vahıbti Irak arqyly saıahattaǵan sırııalyq júk kólikteriniń júrgizýshilerin óltirýmen aınalysty dep aıyptady. Al halyqaralyq koalısııa «Islam memleketiniń» Iraktaǵy pozısııalaryna 2014 jyldan beri soqqy berip keledi.
81 mıllıonnyń izine túsken sııaqty
Federaldyq tergeý bıýrosy (FTB) hakerlerdiń Bangladesh ortalyq bankinen 81 mıllıon dollarǵa jýyq aqshanyń urlanýyna osy qarjy mekemesiniń qyzmetkerleri kómektesýi múmkin dep shamalaıdy.
Federaldyq tergeý bıýrosyna silteme jasaý arqyly málimetter keltirgen «The Wall Street Journal» gazetiniń jazýynsha, «FTB agentteri kıberqylmyskerlerge banktiń kem degende bir qyzmetkeri kómek kórsetkeni jóninde aıǵaq keltirip otyr». Atalǵan vedomstvo bul qylmysqa mekemeniń taǵy birneshe qyzmetkeriniń qatysy baryn da joqqa shyǵarmaıdy. Belgisiz hakerler Bangladeshtiń ortalyq bankinen Nıý-Iorktiń federaldyq qor banki arqyly Fılıppın jáne Shrı-Lankadaǵy shottarǵa qarjy aýdarǵan eken. Ortalyq banktiń kúzet júıesin buzǵan qylmyskerler odan tórt transh arqyly 81 mıllıon dollardy shyǵarǵan. Osyǵan baılanysty bank basshysy otstavkaǵa ketti.
Internet materıaldary negizinde ázirlendi