Reıhstagqa tý tikken

Raqymjan Qoshqarbaev Reseı Batyry ataǵyna usynyldy Almatydaǵy Reseı bas konsýldyǵy, «Generaldar keńesi», «Ardagerler keńesi» jergilikti qoǵamdyq uıymdary jáne «Konstantınopol» stýdııasy Reıhstagqa alǵashqy bolyp Jeńis týyn tikken Halyq qaharmany Raqymjan Qoshqarbaevqa «Reseı Batyry» ataǵyn berý týraly usynys jasady. Olar: «Bul ólilerge emes, tiri­lerge qajet!» aksııasy kezinde usy­nysty Reseı Federasııasynyń prezıdenti Vladımır Pýtınge jetkizýdi ótindi. – Bizdi Qazaqstannyń qoǵamdyq birlestikteri men Reseıdiń barsha áskerı-patrıottyq qoǵamdyq bir­lestikteri qoldaıdy dep úmit­tenemiz, – dedi «Estelik shamy» halyqaralyq memorıaldyq orta­lyǵynyń atqarýshy dırektory Pavel Illarıonov. Osy sharada reseılikter Uly Otan soǵysyndaǵy Jeńiske orasan úles qosqany úshin Qazaq­stan halqyna rızashylyq re­tinde Máskeýden ákelingen Je­ńis týynyń kóshirmesi men gene­ral I.V.Panfılov atyndaǵy 8-gvardııalyq dıvızııa shaıqasqan maıdan dalasynan bir ýys topyraq jetkizdi. Jeńis týynyń kóshirmesi Raqymjan Qoshqarbaevtyń neme­resi Dáýren Qoshqarbaevqa tabys etilse, topyraq salynǵan kapsýla general I.V.Panfılovtyń nemerelerine tapsyryldy. Odan keıin kapsýla №54 gım­nazııanyń murajaıyna berildi. Aksııa kezinde Halyq qahar­many Raqymjan Qoshqar­baev­tyń nemeresi atasyna «Re­seı batyry» ataǵyn berý týraly usy­­­nys jasaǵan qoǵamdyq uıym ókil­derine rızashylyǵyn bildirdi. Ol atasynyń Keńes Oda­ǵynyń Batyry ataǵyn almaǵanymen, «Re­seı Batyry» ataǵyn alsa, tarıhı ádilettiliktiń bolatynyn, osy usynystyń Reseı prezıdenti Vladımır Pýtınge joldanǵanyn, qazir ol másele qarastyrylyp jatqanyn aıtty. KSRO kezinde Reıhstagqa Mı­­haıl Egorov pen Melıton Kantarııa tý tikken dep sanalǵan bolatyn. Shyndyǵyna kelgende, 1941 jyldyń 30 sáýiri kúni Reıhstagqa alǵashqy bolyp týdy vzvod komandıri, leıtenant Raqymjan Qoshqarbaev qarýlas dosy Grıgorıı Býlatovpen birge tikken. Bul týraly kezinde jan-jaqty jazyldy. Qazaqtyń batyr uly qyzyl ásker Berlınge kirgen kúnnen bastap óziniń vzvodymen eń aldyńǵy shepterde boldy. Ol Reıhstagqa alǵashqy bolyp tý tiger aldynda vzvodyn bastap Korol alańyna birinshi bolyp jetken. Sol jerde Birinshi dárejeli Uly Otan soǵysy ordenimen marapattaldy. Osynda barlaý vzvodynyń ko­mandıri, leıtenant Qosh­qar­baevqa Reıh­s­tagqa Qyzyl týdy tigý týraly tarıhı jaýyngerlik buıryq be­rildi. Jalaýdy oǵan batalon ko­mandıri Davydov pen saıası jetekshi Vasılchenko tabys etti. Reıhstagqa deıin araqashyqtyq 360 metr bolatyn. Soǵan qara­mastan, leıtenant Raqymjan Qosh­qarbaev óziniń soldattarymen oqtyń as­tynda 7 saǵatta jerge ja­bysa eń­bek­teýmen ótip, jaýynger Grıgorıı Býlatovpen birge Reıhstagqa jetip, saǵat 18-den 30 mınýt ótkende Jeńis týyn birinshi qabattaǵy qabyrǵanyń terezesine tigedi. Keıin oǵan tý tikkeni úshin Jaýyngerlik Qyzyl Tý ordeni berilip Dastan KENJALIN, «Egemen Qazaqstan»