QARAǴANDY. 12 mamyr. Jezqazǵan qalasynyń turǵyny polısııa qyzmetkerine qol jumsaǵany úshin qamaýǵa alyndy. Bul týraly oblystyq ishki ister departamentiniń baspasóz qyzmetine silteme jasaǵan egemen.kz tilshisi habarlady.
«Jezqazǵan-Ulytaý» tas jolynda jyldamdyqty shamadan tys asyrǵan «Nıssan-Sefıro» avtokóliginiń júrgizýshisi polısııa qyzmetkerleriniń toqtatqan talabyna baǵynbaı, Jezdi kentine qaraı qashyp ketpek bolǵan. Alaıda, 29 jastaǵy er adamnyń bul áreketi iske aspaı, tártip saqshylarynyń qolyna tústi.
Keıin anyqtalǵandaı ol avtokólikti mas kúıinde júrgizgen. Polısııa qyzmetkerleri ony narkologııalyq dıspanserge jetkizgende júrgizýshi polısııa serjantyna qol jumsap, sondaı-aq, kirpishtiń synyǵymen arnaıy kóliktiń artqy terezesin syndyrǵan.
Qazirgi ýaqytta kúdikti ýaqytsha ustaý oqshaýlaǵyshynda otyr. Sotqa deıingi tergeý amaldary júrgizilýde.
Qaırat Ábildınov.
Derek, foto: egemen.kz.