TARAZ. 12 mamyr. Jambyl oblysynyń ákimi Kárim Kókirekbaev Polsha Respýblıkasynyń Senat marshaly S. Karchevskı bastaǵan resmı delegasııany qarsy aldy. Bul týraly egemen.kz tilshisi habarlady.
Kezdesý barysynda Polsha delegasııasy óńirdiń ınvestısııalyq áleýetimen, tarıhymen tanysty.
Jambyl oblysynyń Polsha Respýblıkasymen saýda qatynastaryn odan ári damytýǵa úlken múmkindikteri bar. 2015 jylǵy qańtar-jeltoqsan aralyǵynda Jambyl oblysynyń Polshamen saýda aınalymy 2,0 mln. dollardy qurady. Bıylǵy jyly Polshadan óńirge 436,8 myń AQSh dollarynyń taýary ımporttaldy.
Jambyl oblysyna jańa pisken jemister, konservilengen kókónister, jýý quraldary, plastmassadan mononıt, qara metaldardan jasalǵan buıymdar, moıyntirekter, júkterdi tasymaldaýǵa arnalǵan motorly kólik quraldary, tirkemeler men jartylaı tirkemeler jetkiziledi.
Jergilikti kásiporyndar sary fosfor, natrıı trıpolıfosfat, mıneraldy tyńaıtqysh – ammofos, termıkalyq ortofosfor qyshqyly, barıı sýlfaty, temir qurylǵylaryn, granıt, mármár, gıpsokarton paraqtaryn eksporttaýǵa daıyn.
«Bizdiń elderimizdiń ekonomıkasynyń kóptegen salalarynda birlesken áriptestik ózara tıimdi yntymaqtastyqqa qol jetkizýge múmkindik beredi», dep oblys ákimi atap ótti.
Sonymen qatar, Jambyl oblysy polıak áleýetti ınvestorlarǵa agroónerkásiptik keshen salasyndaǵy, hımııa ónerkásibi, qurylys materıaldaryn óndirý jáne t. d. perspektıvaly qarjylandyrýdy talap etetin ınvestısııalyq jobalardy usynýǵa daıyn.
Kezdesýden soń Polsha delegasııasy T. Rysqulov, Merki aýdandaryndaǵy «Anders armııasy» polıak áskerı qyzmetshileriniń qabirine baryp qaıtty.
Atap aıtý kerek, T. Rysqulov, Merki jáne Jýaly aýdandaryndaǵy polıak soldattarynyń jerleý oryndary bar. Shaqpaq eldi mekeninde – 216, Merkide – 19, Lýgovoı stansasyndaǵy baýyrlas qabirde 46 adam jerlengen.Sondaı-aq sapar aıasynda qonaqtar tarıhı Tarazdyń mádenı-tarıhı kórikti jerlerin aralady.
Oralhan Dáýit.
Derek, foto: egemen.kz
// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "egemen.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e