ASTANA. 12 mamyr. Prezıdenttiń tapsyrmasymen elimizde Jer reformasy jónindegi komıssııa quryldy. Bul týraly bnews.kz-ke silteme jasaǵan egemen.kz tilshisi habarlady Komıssııaǵa Premer-mınıstrdiń birinshi orynbasary Baqytjan Saǵyntaev tóraǵalyq etedi.
«Elbasynyń tapsyrmasyna sáıkes, Jer reformasy jónindegi komıssııa quryldy. Komıssııa quramyna 75 adam kiredi, olardyń ishinde Senat jáne Májilis depýtattary, Úkimet músheleri, memlekettik organdardyń, saıası partııalardyń, agrobıznes ókilderi, ǵalymdar, qoǵam belsendileri bar. Komıssııada barlyq óńirlerdiń ókilderi qamtylǵan. Biz elimizdi, onyń beıbit bolashaǵy úshin alańdaıtyn azamattardy yntymaqtasýǵa shaqyrdyq», – deıdi Baqytjan Saǵyntaev.
Sondaı-aq, komıssııa tóraǵasynyń aıtýynsha, halyqty barynsha qamtý úshin oblystyq ákimdiktiń janynan qurylǵan qoǵamdyq keńester de osy jumysqa belsendi aralaspaqshy.
«Komıssııa bizdiń azamattarymyzdyń pikirtalastarynyń barysy týraly barynsha shynaıy aqparatty buqaralyq aqparat quraldary arqyly ashyq túrde alýy úshin jumys isteıdi», – deıdi ol.
Budan bólek, arnaıy Jerturaly.kz portaly iske qosyldy. Portalda komıssııanyń jumysy týraly barlyq aqparat jarııalanady.
«Bul saıtta adamdar kókeıtesti suraqtaryn qoıyp, óz usynystaryn qaldyra alady. Qosymsha arnaıy Call-center jumys isteıdi», – deıdi komıssııa tóraǵasy.
Aıta keteıik, Jer reformasy jónindegi komıssııanyń alǵashqy otyrysy 14 mamyr kúni Astanada ótedi. Sondaı-aq, komıssııa músheleri óńirlerge barýdy josparlap otyr.
Talǵat Raıymbek.
Derek: bnews.kz.
Foto: egemen.kz.