Ǵylymnyń damýy – eldiń damýy

Keshe Memlekettik hatshy Gúl­shara Ábdiqalyqova Táýelsiz­dik­tiń 25 jyldyǵy aıasynda Na­zar­baev Ýnı­ver­sıtette uıymdas­ty­ryl­ǵan «Zııatkerlik Qazaqstan» ta­qy­rybynda ótken dóńgelek ústel jumysyna qatysty.  Alqaly jıynǵa memlekettik organdardyń ókilderi, qazaq­stan­dyq jáne sheteldik tanymal ǵalymdar, joǵary oqý oryndary men ǵylymı uıymdardyń basshy­lary, ǵylym salasyndaǵy qazaq­standyq sarapshylar qatysyp, oramdy oılaryn ortaǵa saldy. Memlekettik hatshy óz sózinde el Prezıdenti N.Á.Nazarbaevtyń otandyq ǵylymnyń áleýetin ósirýge aıryqsha mán beretindigin atap ótti. «Qazaqstan-2050» Stra­te­gııasynda belgilengen mindetter ekonomıkanyń ǵylym­dy qajet etetin salalaryn qurý­men baılanysty ekenine basa nazar aýdardy. Jáne de, ol jańa tehnologııalyq deńgeıge shyǵý úshin ekonomıkanyń árbir salasy ınnovasııalyq qa­damdardy qajet etetinin jetkizdi. Sondaı-aq, Memlekettik hat­shy búkil álemde jahandyq básekelestikti quraıtyn joǵary bilik­ti mamandarǵa jáne ǵylymı zert­teýlerdiń nátıjelerine, jańa tehnologııalarǵa degen suranystyń bar ekenine toq­talyp ótti. Ol 2010 jyldan bas­tap Qazaqstannyń Jahandyq básekege qabilettilik ındeksi boıyn­sha óz pozısııasyn jaqsartyp kele jatqanyn jetkizdi. Aıtalyq, 2015 jyly «Innovasııalyq áleýet» kórsetkishi boıynsha 31 pozısııaǵa, ǵylymı-zertteý uıym­darynyń sapasy men ınnovasııa boıynsha 29 pozısııaǵa, ǵalymdar men ınjenerlerge qoljetimdilik kórsetkishi boıynsha 21 pozısııaǵa kóterilgen bolatyn. Dóńgelek ústel barysynda úsh paneldik sessııa ótti. On­da otandyq ǵylymdy odan ári damy­týdyń jáne qazaqstandyq ǵalymdardyń ǵylymı izdenis­terin ilgeriletýdiń ózekti máse­leleri jan-jaqty talqylandy. Jıyn barysynda Mem­le­kettik hatshy zertteýdiń ishki re­sýrstaryn damytýdyń mańyz­dy­lyǵyna, sheteldik ǵalymdardy, sonyń ishinde, shetelde ǵyly­mı jumystarymen tanymal qazaq­standyq ǵalymdardy belsendi tartý qajettigine erekshe nazar aýdardy. Búginde elimizde ǵylymdy qajet etetin ekonomıkany qa­lyp­tastyrý úshin eki zııatkerlik-ın­novasııalyq klaster quryl­ǵan. Olar – Nazarbaev Ýnıversı­tettegi «Astana bıznes kampýs» jáne Almatydaǵy «Alataý» teh­noparki. Naqty óndiristik joba­lardy iske asyrý úshin klaster­ler bazasyna joǵary tehnolo­gııalyq kompanııalar, sondaı-aq, sheteldik kompanııalar da tartylatyn bolady. Jıyn sońynda Gúlshara Ábdi­qalyqova memlekettik organdarǵa qazaqstandyq ǵylymdy odan ári damytý boıynsha birqatar naqty tapsyrmalar berdi. Raýan QAIDAR, «Egemen Qazaqstan»