[caption id="attachment_39985" align="alignnone" width="560"] Sýret: today.kz[/caption]
Qytaıdyń Beıjiń qalasynan Astanaǵa eki jas arnaıy nekesin qıdyrýǵa keldi. Ekeýi de qarakóz qandastarymyz. Úılenip jatqan jigit Beıjiń qalasyndaǵy Ulttar radıosynyń «Qazaq radıosy» bóliminde uzaq jyldar boıy aǵa dıktor bolyp qyzmet etip kele jatqan áriptesimiz Qyzyrbek Janasyldyń balasy eken.
Ákesi balasynyń nekesi týǵan eliniń astanasynda qıylǵanyn qalapty. Neke qııý kezinde barlyq ádet-ǵuryptar jasalyp, «Áziret Sultan» meshitiniń ımamy Quzar Qyzyrbekuly men Altynaı Sábıtjanqyzyna batasyn berip, shańyraqtarynyń bıik bolýyn tiledi. Eki jastyń shańyraq kóterýine meshitke bes ýaqyt namazyn oqýǵa, Quran oqytýǵa kelgen júzdegen adamdar kýá boldy.
– Biz Beıjińnen Astanaǵa nekemizdi qıdyrýǵa arnaıy keldik. Týǵan elimiz, atamekenimiz bolǵan soń ómirdegi eń jaýapty da qýanyshty kúnimizdi Astanada ótkizgimiz keldi. Bizge meshit keremet áser etti. Bul jerde meshit ımamdarynyń ýaǵyzdaryn tyńdadyq, – dedi jastar.
Dastan KENJALIN,
«Egemen Qazaqstan»