Jambyl oblysynda 6 myńnan astam oqýshy UBT tapsyrady

TARAZ. 16 mamyr. 2015-2016 oqý jylynda Jambyl oblysyndaǵy 316 jalpy bilim beretin orta mektepterdi 8561 oqýshy bitirgeli otyr. Bul týraly egemen.kz tilshisi habarlady. «2016 jylǵy UBT-ge qatysýǵa 6065 (70,85 paıyz) mektep bitirýshi ótinish bergen. Onyń 6064-i kúndizgi mektep bitirýshiler, bireýi  keshki mektep túlegi, 5027-si (82,8 paıyz)  qazaq tilinde, 1038-i (17,2 paıyz) orys tilinde test tapsyrady. UBT-ge qatysatyn 6065 oqýshynyń 35,6 paıyzy (2159) qala mektebiniń, 64,4 paıyzy (3906) aýyl mektepteriniń túlekteri», dedi О́ńirlik kommýnıkasııalar qyzmetinde ótken brıfıngte Jambyl oblysy ákimdiginiń bilim basqarmasy basshysynyń orynbasary Jámıla Bekbatyrova. Oblystaǵy 10 UBTО́P-terde memlekettik komıssııa qurylyp, bekitilgen. 2016 jylǵy ulttyq biryńǵaı testileýdi tıimdi uıymdastyrý men ótkizý úshin UBT-ny uıymdastyrý men ótkizý jónindegi memlekettik komıssııa uıymdastyrý-basqarý jumystaryn durys júrgizip, UBT-ny ótkizý tehnologııasynyń buzylýyna jol bermeýine jan-jaqty daıyndyq jumystaryn júrgizýde. «2016 jylǵy ulttyq biryńǵaı testileýdi ótkizýde ózgeristerdiń engizilgendigin habarlap, shekti dengeıden ótpeı qalǵan mektep bitirýshilerge ekinshi ret test tapsyrýǵa ruqsat beriledi.  Ekinshi ret tapsyratyn test aqyly bolady, onyń baǵasy – 2242 tenge. Al «2» alǵan mektep bitirýshilerge jáne UBT-de alǵan baldarynyń nátıjesin jaqsartý maqsatynda testti qaıta tapsyrýǵa ruqsat berilmeıdi», dep qorytyndylady Jámıla Eleýqyzy. Oralhan Dáýit. Derek, foto: egemen.kz