Jambyl oblysynda 220 túlek «Altyn belgige» úmitker boldy

TARAZ. 16 mamyr. Bıyl Jambyl oblysynda 44 mektep bitirýshi halyqaralyq olımpıadalar men ǵylymı jobalarynyń jenimpazdary retinde ulttyq biryńǵaı testileýdi tapsyrýdan bosatylady. Bul týraly egemen.kz tilshisi habarlady. 220 oqýshy «Altyn belgige», 84 oqýshy úzdik attestatqa úmitker. 64 mektep bitirýshi memlekettik grant ıegerleri. 2496 mektep bitirýshi dástúrli emtıhandar tapsyrady. Aýdandarda mektep bitirýshilerdiń ulttyq biryńǵaı testileýin uıymdasqan túrde ótkizý úshin olardyń tamaqtanýyna, tasymaldaýyna jáne jatyn ornyna 16 mln 990 myń teńge bólingen. Ulttyq biryńǵaı testileý tapsyratyn 6065 mektep bitirýshiniń 3295-i (54,32 paıyz) tasymaldaýdy qajet etedi. UBT-de joǵary nátıje kórsetken Taraz qalasyndaǵy №1, 40, 41, 45 gımnazııalary men oblystyq daryndy balalarǵa arnalǵan 3 mektep-ınternattyń bazasynda mektep dırektorlary men orynbasarlaryna, pán muǵalimderine arnalǵan ádistemelik kómek kórsetilip, atalǵan mektepterdiń UBT-ge daıyndaýdaǵy ozyq is-tájirıbeleri taratyldy. Sondaı-aq, oqý jyly ishinde ulttyq biryńǵaı testileýge daıyndaý sapasyn jaqsartý maqsatynda 12 pedagogıkalyq desant, 11 koýchıng-sessııa, 3 ǵylymı-praktıkalyq konferensııa, 78 semınar-trenıngter, onlaın rejıminde UBT tapsyratyn negizgi pánderden ınteraktıvti sabaqtar aptalyǵy ótkizilip, oǵan joǵary synyptarda sabaq beretin 13460 (60,2 paıyz) pedagog qamtyldy. Mektep bitirýshilerdiń UBT-ge daıyndyǵyn anyqtaý, olardyń bilim deńgeılerin táýelsiz baǵalaý maqsatynda oblys mektepterinde 11-shi synypta oqıtyn oqýshylardan  respýblıkalyq USTADI on-laın testileý  ortalyǵy,   EDTECH-KZ Halyqaralyq bilim ortalyǵy   arqyly baıqaý testteri alyndy. Sonymen qatar oblys ortalyǵynda ornalasqan M.H.Dýlatı atyndaǵy Taraz memlekettik ýnıversıteti, Taraz memlekettik pedagogıkalyq ınstıtýty, Taraz ınnovasııalyq-gýmanıtarlyq ýnıversıteti aýdandar men Taraz qalasyndaǵy UBT qorytyndysy boıynsha tómen nátıje kórsetken mektepterdi qamqorlyqtaryna alyp, júıeli  jumystar júrgizýde. Bul týraly О́ńirlik kommýnıkasııalar qyzmetinde ótken brıfıng barysynda Jambyl oblysy ákimdiginiń bilim basqaramasy basshysynyń orynbasary Jámıla Bekbatyrova málimdedi. Oralhan Dáýit. Derek, foto: egemen.kz