Biletinder bar ma eken?

Chehııada qazaqstandyq áskerı tutqyndardyń jerlengen oryndary tabyldy Jaqynda Qazaqstannyń Chehııadaǵy elshisi Serjan Ábdikárimov osy eldiń Olomoýs aımaǵyndaǵy Iesenıse óńirine (Gorny Lıpove, Domashov, Rýdohorjı eldi mekenderi) baryp, jergilikti ókimet pen qoǵamdyq uıymdar ókilderi jáne erikti-izdeýshilermen birge, keńes áskerı tutqyndarynyń, onyń ishinde Qazaqstannan tartylǵan áskerı jaýyngerlerdiń zıratyna gúl shoqtaryn qoıdy.  Ekinshi dúnıejúzilik soǵys jyldarynda Iesenıse óńirinde Keńes Odaǵy respýblıkalarynan, Ulybrıtanııa, Fransııa jáne Pol­shadan 6 myńǵa jýyq áskerı tutqyn jumys istese, ol jerler­de nemistiń 60-qa jýyq eńbek la­gerleri ornalasqan eken. Reseı jáne Chehııanyń qo­ǵamdyq uıymdarymen, erikti izdeýshilermen sol lagerlerde qaza bolǵan 1300-ge jý­­yq áskerı tutqynnyń, onyń ishinde 16 qazaqstandyq jaýyngerdiń aty-jónderi men ómirbaıandyq má­limetteri jı­naqtaldy (aqparat www.obd-memorial.ru paraqshasynda ornalasqan). Iesenıse óńiriniń jergilikti ókimetimen jáne erikti-izdeýshilermen sol mań­­da jerlengen basqa da otan­­­­das­tarymyzdy iz­destirý jáne sáıkestendirý boıynsha ju­mys­tardy jalǵastyrý jó­nin­de ýaǵdalastyqtarǵa qol jetkizildi. Qazaqstannyń Pragadaǵy el­shiligi qaza bolǵan otandastarymyzdyń týǵan-týys­­­­qan­daryna ózderiniń áke-atalarynyń jerlengen jerlerin izdep anyqtaý úshin Chehııanyń jer­gilikti ókimetimen baılanystar ornatýyna qolǵabys kórsetýge daıyn ekendigin bildirip otyr. Bul másele boıynsha Qazaq­stan­nyń Chehııadaǵy elshiliginiń birinshi hatshysy Damır Ýajanovqa habarlasýǵa bolady. Onyń jumys telefony: +420 233 310 671, uıaly telefony: +420 739 341 414, el. posh­tasy: d.uazhanov@mfa.kz. Qazaqstan azamattary úshin elshilik Chehııa jerinde jatqan otan­dastarymyzdyń aty-jónderin jarııalap otyr: Jumaǵazy Altybaev, 1921 j.t., Almaty oblysy («13 mart» aýy­ly); Moldynamov, 1904 j.t., Kırıllovka aýyly; Alvıp (Albı, Alıbı) Taıla, 1899 j.t., Gýrev oblysy, Mańǵystaý aýdany, Aýyrpa aýyly; Smaıl Beımınov, 1906 j.t., Aqtóbe oblysy (Yrǵyz aýy­ly); Tash (Tajı, Tas) Ýtıýgýlov, 1900 (1903) j.t., Aqtóbe oblysy (Shubarqudyq aýyly); Santaı Istileev (Isteleev), 1915 j.t., Qyzylorda oblysy (Oktıabr aýy­ly); Baıeki (Bajeki) Kóselbaev (Kaselbaev), 1912 j.t., Qyzylorda oblysy (Qazaly q.); Narkash Kúl­jumanov (Kúlshýmanov), 1904 j.t., Jangeldi aýdany (Birlik aýyly); Shaıahmet (Sheıahmed) Súlemenov (Súleımenov), 1921 j.t., Shyǵys Qazaqstan oblysy, Tarbaǵataı aýdany (Zaısan aýyly); Belgibaı Súleımenov, 1903 j.t., Shyǵys Qa­zaqstan oblysy, Tarbaǵataı aýdany (Zaısan aýyly); Jumaǵul Ismýrzın, 20 shilde 1897 j.t., Qostanaı oblysy, Semıozer aýdany (Jarkól aýyly); Mýftýálı Dosmuhambetov, 1891 j.t., Saratov oblysy, Bala­kovo aýdany (Natalın aýyly); Saǵı Almanov, 1898 j.t., Stalıngrad oblysy (Harabalı selosy, Komsomolskaıa kóshesi, 3. Syrdaly Arsalıev, 1903 j.t., Qyzylorda oblysy, Aral aýdany (Kúrtaral aýyly); Qalmyrza Amalbekov, 1906 j.t., Ońtústik Qazaq­stan oblysy, Kırov aýdany (Internasıonal aýyly); Aısı Dosmyrza, 1913 j.t., Qazaq SSR, Rýzaev aýdany (Aqshynaq aýyly).  «Egemen-aqparat»