Eski qaldyqtan – ótimdi ónim

О́ńirde jylyna shamamen 14-18 myńdaı avtomobıl shınalary jaramsyz bolyp qalady eken. Olardy qaıta óńdep, kádege jaratý tájirıbesi damyǵan elderde bar. О́kinishke oraı, Qazaqstan­da kez kelgen jerlerde taý-taý bolyp úıilip jatqan shınalardy kezdestirý tańsyq emes. Petropavlda jumys isteıtin «Soltustik rubber recycling» JShS ozyq tehnologııalardy qoldana otyryp, eski qaldyqtan ótimdi ónimder jasaýǵa bilek sybana kiristi. Búginge deıin kásiporyn 30 tonna úgindi men bir myń sharshy metr taqtatasty tutynýshylarǵa jóneltti. Seriktestik basshysy Tal­ǵat­bek Ǵaleevtyń aıtýynsha, ekologııalyq jaǵynan taza, sapasy joǵary buıymdardyń paıdalaný merzimi–10-15 jyl. Keleshekte belsendilendirilgen úgindiler shyǵarý oılastyrylǵan. Ol asfalt tósemine paıdalany­latyn bolady. Sonda joldyń beriktigi men tózimdiligi álde­qaıda jaqsarady. Búginde rezeń­ke shıkizattan alynǵan ónim balalar alańdarynda qol­danylýda. Keleshekte tórt tú­lik malǵa tósemeler ázirleý josparlanǵan. Seriktestik «Damý» qory ar­qyly 55 mıllıon teńge nesıe alyp, zamanaýı qondyrǵylar men qural-jabdyqtar ornat­qan. Ozyq tehnologııalardyń kúshimen eski shınalar irili-usaqty úgindige aınaldyrylyp, sapaly ónimder shyǵarylady. О́mir ESQALI, «Egemen Qazaqstan» Soltústik Qazaqstan oblysy