Mańyzdy máseleler sóz boldy

Premer-Mınıstrdiń birinshi orynbasary Baqytjan Saǵyntaev Astana ekonomıkalyq forýmyna qatysý­shylardyń birqatarymen kezdesti, dep habarlady Premer-Mınıstrdiń baspasóz qyzmeti. Kolýmbııa ýnıversıteti Jer ınstıtýtynyń dırektory Djeffrı Saks  pen Baqytjan Saǵyntaev kezdesý barysynda ekonomıkany ártaraptandyrý, Qazaqstandaǵy qurylymdyq reformalar máselelerin talqylady. SPRING Damý jónindegi agent­tiginiń (Sıngapýr) tóraǵasy Fıllıp Ieo men Premer-Mı­nıstr­diń birinshi orynbasary Sın­gapýrdyń damý ınstıtýtynyń Qazaq­stanmen yntymaqtas­tyǵy úshin mańyzdy salalardy belgiledi. Kolýmbııa ýnıversıtetiniń ekonomıka professory, Dúnıe­júzilik ekonomıkalyq forýmnyń Jahan­dyq básekege qabilettilik ındeksiniń avtory Ksaver Sala-ı-Martınmen kezdesý barysynda Baqytjan Saǵyntaev Qazaqstanda  2018 jylǵa deıin jahandyq básekege qabilettilik ındeksiniń kórsetkishterin jaqsartý boıynsha júzege asyrylyp jatqan sharalar týraly áńgimeledi. Sala-ı-Martın Qazaqstannyń básekege qabilettiligin jaqsartý jáne bizdiń elimizdiń orta jáne uzaq merzimdi bolashaqta turaqty ekonomıkalyq ósimge qol jetkizýi boıynsha óziniń sarapshyldyq pikirin bildirdi. Ekonomıkalyq yntymaqtas­tyq jáne damý uıymy Báseke­lestik jónindegi komıtetiniń tór­aǵasy Frederık Jennımen kezdesýde ekonomıkany retteýden monopolııaǵa qarsy retteý jolymen básekelestikti qorǵaýǵa kóshý máselesi talqylandy. Bretton-Výdsty jańǵyrtý komıtetiniń atqarýshy dırektory Mark Ýzan qazirgi qarjy arhıtektýrasyn jahandyq reformalaý úderisi týraly habarlady. Premer-Mınıstrdiń birinshi orynbasary sondaı-aq Nobel syılyǵynyń laýreaty Krıstofer Pıssarıdes­pen, ekonomıst Artýr Laffer­men, professor-doktor Klaýs Mangoldpen kelissózder júrgizdi.