Zań jobalary maquldandy

Parlament Májilisiniń Spı­keri Baqtyqoja Izmuham­betovtiń tóraǵalyǵymen palatanyń kezekti jalpy otyrysy ótti. Kún tártibindegi máse­lelerge kiris­pes buryn B.Izmuham­betov Má­jilis depýtaty Qabıbolla Jaqypovqa nagrada ta­bys etti. Iаǵnı, El­basy – Qazaqstan halqy As­samb­leıasynyń Tóraǵasy Nursultan Nazarbaev Qazaqstan halqy Assam­b­leıasy Keńesiniń sheshi­mimen ulttyq birlikti nyǵaı­týǵa, mádenıetaralyq únqatysýdy damytýǵa jáne qazaqstandyq patrıotızmdi tárbıeleýge qosqan eleýli úlesi úshin Qabıbolla Jaqypovty Qazaqstan halqy Assambleıasynyń qoǵamdyq «Birlik» altyn medalimen marapattady. Odan ári depýtattyq korpýs ratıfıkasııalyq zań jobalaryn talqylaýǵa kiristi. Aldymen depýtattar nazaryna «2014 jylǵy 23 jeltoqsandaǵy Eýrazııalyq ekonomıkalyq odaq sheńberinde dárilik zattar aı­na­lysynyń biryńǵaı qaǵı­dat­tary men qaǵıdalary týra­ly» kelisimge Armenııa Respý­b­lı­kasynyń qosylýy týraly» hattamany, sonymen qatar,  «Medı­sınalyq buıymdar (medı­sına­lyq maqsattaǵy buıym­dar men medısınalyq tehnıka) aına­lysynyń biryńǵaı qaǵı­dattary men qaǵıdalary týraly» kelisimge Armenııa Respýb­lıka­synyń qosylýy týraly» hattamany ratıfıkasııalaý usynyldy. Eki hattama da 2015 jyly Máskeý qalasynda jasalǵan. Atal­ǵan zań jobalary boıynsha baıan­dama jasaǵan Densaýlyq saqtaý jáne áleýmettik damý mınıstri Tamara Dúısenovanyń aıtýynsha, dárilik zattar aı­naly­synyń biryńǵaı qaǵıdattary men qaǵı­dalary negizinde dárilik zattardy tirkeý jáne saraptaý kezinde áser etýshi zattardyń sapa­lyq quramy ártúrli bolatyn dárilik zattardy bir saýda ataýy­men tirkeýge, múshe memleket­ter­diń birinde tirkelgen dárilik zattardy basqa múshe memlekette qaıta tirkeýge tyıym salynady, sondaı-aq, bir múshe memlekette júrgizilgen klınıkaǵa deıin­gi, klınıkalyq synaqtar jáne dárilik zattardy ınspeksııalaý nátı­jeleri basqa múshe memleketter tarapynan moıyndalatyn bolady. Sonymen qatar,  dárilik zattar ortaq naryqqa olar biryńǵaı tártipke sáıkes tirkeýden ótkende jáne dárilik zattardyń biryńǵaı tizilimine engizilgen jaǵdaıda ǵana ótkizilip, dárilik zattardy óndirý tıisti biryńǵaı óndiristik praktıka (GMP) qaǵıdalaryna sáıkes júzege asyrylady. Al medısınalyq buıymdar, ıaǵnı medısınalyq maqsattaǵy buıymdar men medısınalyq tehnıka aınalysynyń biryńǵaı qaǵıdattary men qaǵıdalary negizinde medısınalyq buıym­dardy tirkeý barysynda EAEO  sheńberinde óndirilgen jáne basqa memleketterden ákelingen medısınalyq buıymdarǵa birdeı talaptar qoıylady. Múshe elderde tirkelgen medısınalyq buıymdar aınalysqa shyǵar aldynda mindetti túrde arnaıy belgimen  tańbalanady. EAEO elderinde adamdar­dyń ómirine jáne densaýlyǵy­na qaýip tóndiretin, sapasyz, falsıfıkatty nemese jalǵan medısınalyq buıymdardyń aınalysta bolýy anyqtalǵan jaǵdaıda, ýákiletti organ múshe memleketterge habardar ete­di. Bul oraıda, medısına­lyq buıym­dardyń qoldanylýyn toq­tata turý, oǵan tyıym salý jáne aınalystan alý boıynsha shara­­­lar qoldanylatyn bolady. Zań jobalary boıynsha qosymsha baıandama jasaǵan Má­jilis depýtaty, Halyqaralyq ister, qorǵanys jáne qaýipsiz­dik komıtetiniń múshesi Natalıa Jumadildaeva Májilis komı­tetteriniń joǵaryda atalǵan hattamalardy oń baǵalaǵanyn alǵa tartty. Ǵabıt ISKENDERULY, «Egemen Qazaqstan»