Jarystar jańǵyryǵy

BOKS. Astanada áıelder arasynda ótip jatqan álem chempıona­tynda 51 kıloǵa deıingi salmaq­taǵy Jaına Shekerbekova shırek fınalda germanııalyq Azıza Nımanıdi jeńip, jartylaı fı­nalǵa shyqty. Osy arqyly ol Olımpııa oıyndarynyń lısenzııa­syna qol jetkizdi. KIOKÝShINKAI-KAN KA­­RATE. Bolgarııanyń Varna qala­synda qazaqstandyq Temirlan Jánibekov 65 kıloǵa deıingi sal­maqta Eýropa chempıony atandy. Sol sııaqty Qytaıdyń Hanjoý qalasynda Nıkıta Garas pen Álem­gúl Sabyrhan Azııa chempıo­ny ataǵyn jeńip aldy. Osy jarysta Nurlyhan Sádýaqasova men Aıaýlym Muratova kúmis júl­deni,  Danııar Álimýsınov qola medaldi ıelendi. TENNIS. Vengrııanyń Býda­pesht qalasynda ITF serııasyna ja­tatyn jasóspirimder arasynda halyqaralyq týrnır ótip jatyr. Oǵan Qazaqstan quramasynda Das­tanbek Tashbolatov pen Jibek Qu­lam­­baeva qatysýda. Dastanbek tý­r­­­nırdiń shırek fınalyna shyqty. QAZAQ KÚRESI. О́skemende qazaq kúresinen Yrǵyzbaı Dos­­hanulynyń atyndaǵy ha­lyq­aralyq týrnır ótýde. Oǵan álemniń 20 elinen balýandar qatysýda. Olardyń arasynda Olımpıada jáne álem chempıondary bar. DZIýDO. Oralda erler jáne áıelder arasynda Keńes Odaǵynyń Batyry Mánshúk Mámetovany eske túsirýge arnalǵan VII halyqaralyq týrnır ótti. Jarysqa 200-den astam sport­shy qatycty. GANDBOL. Qyzylordada áıel­der arasynda Qazaqstan chem­pıo­natynyń sýperlıga oıyn­darynyń 5-shi týry ótip jatyr. Oǵan Almaty oblysynyń «Ile», О́skemenniń «Altaı», Astananyń №5 mamandandyrylǵan olımpıa­dalyq rezervtegi balalar jáne jas­óspirimder mektebi, «Almaty» já­ne Qyzylordanyń «Seıhýn»-KAM-QMÝ» komandalary qaty­sýda. «Egemen-aqparat»