Almatyda alyp aǵash qulap, jeńil kólikti basyp qaldy

ALMATY. 26 mamyr. Almaty qalasynda Jandosov pen Qablanov kóshesiniń qıylysynda tańerteńgisin óte bıik alyp kók terek qulady. Bul týraly qalalyq tótenshe jaǵdaılar departamentiniń baspasóz qyzmetine silteme jasaǵan egemen.kz tilshisi habarlady. Saldarynan elektr symyna ilingen buta synyǵy Renault markaly jeńil kólikti zaqymdady. Der kezinde shyǵyp úlgergen júrgizýshi aman qaldy. Bul jaǵdaıǵa sońǵy kúnderi tolassyz jaýǵan jańbyrdyń áseri bolǵan degen boljam bar. Oqıǵa ornyna tez arada jetken qalalyq tótenshe jaǵdaılar departamenti men kommýnaldyq qyzmet kórsetý salasynyń qyzmetkerli eń aldymen elektr jelisin tuıyqtap, kósheni qulaǵan aǵashtan tazartty. Polısııa qaýipsizdikti qadaǵalady. Bir saǵattyń ishinde Jandosov kóshesimen júretin trolleıbýstyń joly ashyldy. Zaqymdanǵan Renault jeńil kóliginiń shyǵynyn saqtandyrý kompanııasy moınyna aldy. Talǵat Súıinbaı. Derek, foto: Almaty qalalyq tótenshe jaǵdaılar departamentiniń baspasóz qyzmeti.