PAVLODAR. 26 mamyr. S.Toraıǵyrov atyndaǵy memlekettik ýnıversıtette óńirdegi joǵary bilim beretin oqý oryndarynyń stýdentteri arasynda «Ýnıversıtettik IT-kóktem» IT ıdeıalardyń shyǵarmashylyq baıqaýy ótti. Bul týraly egemen.kz tilshisi habarlaıdy.
Baıqaýdy ýnıversıtettiń matematıka jáne ınformatıka kafedrasy uıymdastyrdy. Maqsaty – qoǵamnyń ár salasynda kompıýterlik baǵdarlamalardy daıyndaýda kásibı biliktilikti qalyptastyrý, ınnovasııalyq jobalardy engizý. Jarysqa 12 komanda qatysty. Nátıjesinde S. Toraıǵyrov atyndaǵy ýnıversıtet komandalary birinshi oryn ıelendi.
Aqparattyq júıeler mamandyǵynyń magıstranty Aıdana Ermanova «Qoǵamdyq kóliktegi baqylaý júıesi» jumysymen jeńimpaz atandy. Táttimbet Seıfolla, Abaı Orazalınderge «Androıd úshin mobıldik jobalary» ekinshi oryn, úshinshi oryn INeÝ stýdenti Vıktorııa Medvedevaǵa buıyrdy. Al, TKR GROUP seriktestigi usynǵan syılyqty stýdent Dıas Ánýarbekov aldy.
Farıda Byqaı.
Derek: egemen.kz.
Foto: Rýfına Torpısheva.
