ASTANA. 26 mamyr. Búgin Astanada bokstan áıelder arasynda ótip jatqan álem chempıonatynda Qazaqstannyń úsh sportshysy fınalǵa shyqty. Bul týraly egemen.kz tilshisi habarlady.
Nazym Qyzaıbaı (48 kg), Dına Jolaman (54 kg) men Valentına Halzova (69 kg) jartylaı fınalda qarsylastaryn utty. Chempıonatyń túski sessııasynda rıngke alǵashqy bolyp Nazym Qyzaıbaı kóterildi. Ol Soltústik Koreıanyń boksshysy Iаn Gým Iýdi aıqyn basymdyqpen jeńdi. Endi ol jartylaı fınalda amerıkalyq Marlen Esparzany utqan Qytaı Iаn Vangpen kezdesedi.
54 kılo salmaqta Dına Jolaman da jartylaı fınalda qarsylasynan myqty boldy. Ol qytaılyq Lıa Pıaopıaony sharshy alańnyń tórt buryshyna qýyp júrip sabady. Bul kezdesýde tóreshiler biraýyzdan jeńisti qazaqstandyqqa berdi. Fınalda Dına bolgarııalyq Stoka Petrovamen qolǵap túıistiredi.
Úshinshi bolyp fınalǵa 69 kıloǵa deıingi salmaqta kúsh synasqan Valentına Halzova shyqty. Ol Germanııa sportshysy Nadın Apetsti jeńdi. Kezdesýde nemis qyzy qazaqstandyqtyń soqqylaryna shydaı almaı, besinshi buryshty izdep, aqyr-sońynda jeńilisin moıyndady. Endi Valentına chempıondyq ataq úshin qytaılyq Hong Gıýmen kezdesedi.
Osy chempıonatta Olımpıadanyń lısenzııasyn ıelengen Jaına Shekerbekova (51 kg) Brıtanııa boksshysy Nıkola Adamstan jeńilip qaldy.
Búgin keshki sessııada Shekerbekovadan keıin Aıman Qojabekova (57 kg) men Lázzat Kúngeıbaeva (-81 kg) sharshy alańǵa shyǵady.
Dastan Kenjalın.
Derek, foto: egemen.kz
