Birlesken jobalardyń bereri kóp

Elbasy Nursultan Nazarbaev «Roııal Datch Shell pls» konserniniń bas atqarýshy dırektory Ben van Berdenmen Shetel ınvestorlary keńesi aıasynda kezdesý ótkizdi, dep habarlady Prezıdenttiń baspasóz qyzmeti. Kezdesý barysynda qazirgi ózara is-qımyldyń birqatar máseleleri, sondaı-aq, konsern qyzmetiniń meılinshe pers­pektıvaly salalaryndaǵy yntymaqtastyq aıasyn keńeıtý joldary qarastyryldy. Atap aıtqanda, Nursultan Nazarbaev kompanııanyń Qashaǵan ken ornyn ıgerý jobasyndaǵy mańyzdy rólin atap kórsetip, B.Berdendi «Bı Djı Grýpp» kompanııasymen qosylý úderisiniń tabysty aıaqtalýymen quttyqtady. Qazaqstan Prezıdenti qazirgi kezeńde «Roııal Datch Shell pls» bizdiń elimizdiń munaı-gaz salasyndaǵy asa iri ınvestorlardyń biri bolyp otyrǵanyna nazar aýdardy. Sonymen qatar, Memleket basshysy bul saladaǵy ynty­maqtastyqty odan ári nyǵaıtý qajettigine toqtaldy. B.Berden ózara is-qımyl­dyń jáne ınvestısııalyq jobalardy tıimdi júzege asyrý­dyń deńgeıi joǵary ekenin atap ótip, taıaýdaǵy kezeńde jalǵastyratyn jumystaryna qatysty josparlary jóninde aıtty.