• 28 Mamyr, 2016

«Shyn júrekten» telemarafony jalǵasady

2 mın

oqý úshin

Egemen Qazaqstan

Osy jyldyń 28-30 sáýiri kúnderi «Qazaqstan» ulttyq telearnasynyń tikeleı efırinen kórsetilgen «Shyn júrekten» respýblıkalyq qaıyrymdylyq telemarafony barshańyzdyń esterińizde bolar. Atalǵan sharany «Qazaqstan» RTRK» AQ jáne Qazaqstan halqy Assambleıasy birlesip uıymdastyrǵan bolatyn. Úsh kún ishinde qaıyrymdylyq telemarafony aıasynda respýblıka boıynsha jınalǵan 30 mıllıon teńge «Qazaqstan halqy Assambleıasy qory» qoǵamdyq qorynyń esepshotyna aýdaryldy. Sonymen qatar, muqtaj jandarǵa 15 mıllıon qarajat kóleminde túrli qyzmetter men zattaı kómek kórsetildi. Keshe osyǵan oraı, baspasóz máslıhaty bolyp ótti. Sharaǵa «Qazaqstan» RTRK-nyń» basqarma tóraıymy Nurjan Muhamedjanova, Qazaqstan halqy Assambleıasy hatshylyǵynyń sektor meńgerýshisi Názıpa Shanaı qatysty. N.Muhamedjanova: «Qaıyrymdylyq sharasy aıasynda kóptegen balaǵa shuǵyl túrde kómek kórsetildi. Olardyń birazy qarjylaı, jer telimderi, túrli materıaldyq kómek esebinde berildi. Máselen, efır kezinde Zerendi aýdanynan habarlasqan II toptaǵy múgedek kópbalaly ana, Ásemgúl Jarmanovaǵa tońazytqysh jiberildi. О́skemennen tikeleı efırge habarlasyp, múgedek nemeresine qolarba qajettigin aıtqan zeınetker Ǵalııa Kámeshovanyń ótinishi eskerildi. Qyzylordalyq Darıǵa Kósherbaeva da óziniń 7 jasar múgedek balasynyń qolarbasyz ekenin aıtyp, redaksııamyzǵa habarlasty. Nátıjesinde, kóp uzamaı, qolarbalar poıyzben jiberildi. Al Almaty fılıaly stýdııasyna arbaǵa tańylǵan 16 jasar Elemes kelgen edi. Ata-anasy da jarymjan kisiler bolatyn. Úısiz, jumyssyz. Múgedektigine alatyn járdemaqysymen bir úıli jan kún kórip otyrǵan. Bul otbasyna ánshi Álııa Ábiken qarjylaı kómektesip edi. Olar ánshi usynǵan qarajattyń 150 000 teńgesine jer telimin satyp alyp, qalǵan bóligine úıdiń irgesin qalady. Kóp uzamaı bul jańalyqty estip qýanǵan Álııa úı qurylysyn tolyq aıaqtaýǵa qarjylaı kómektesetindigin aıtyp, osy otbasynyń áleýmettik jaǵdaıyna qaraılasatyndyǵymen bólisti», – dedi. Qazirgi tańda kómekke zárý otbasylardyń ótinishterin qarastyrýmen aınalysatyn arnaıy qoǵamdyq keńes quryldy. Bul qaıyrymdylyq telemarafony áli de jalǵasa bermek. Sondaı-aq, jıyn sońynda atalǵan telearna basshysy ózderiniń aldaǵy ýaqytta ótkizetin qyzyqty da ıgilikke toly tyń josparlarymen bólisti. Raýshan SÚLEIMENOVA