Veloshabandoz Nıbalı «Djıro d'Italııa» kezeńin utty

ASTANA. 28 mamyr. «Astana» velokomandasynyń kapıtany Vınchenso Nıbalı «Djıro d'Italııa» kópkúndiginiń kóshin bastady. Bul týraly vesti.kz-ke silteme jasaǵan egemen.kz tilshisi habarlady. «Astana» komandasynyń kapıtany atalǵan jarysta márege altynshy bolyp kelgenimen, jalpy esebi boıynsha 20-shy kezeńnen keıin sýyrylyp alǵa shyqty. Ol buǵan deıingi kezeńderde kósh bastap kele jatqan Orica GreenEDGE komandasynyń sportshysy Esteban Chavesti 52 sekýndqa artqa tastap ketti. Bul kezeńde «Katıýsha» veloshabandozy Reın Taaramıae jeńiske jetti. Ekinshi orynda Darvın Atapýma (BMC Racing), úshinshi – amerıka sportshysy Djozef Dombrovskı (Cannondale) keldi. Aıta keteıik, erteń «Djıro d'Italııa» kópkúndiginiń sońǵy kezeńi. Ol dástúr boıynsha «dostyq kezeńi» dep atalady jáne márege barlyq velosportshylar birge keledi. Sondyqtan Nıbalı «Djıro d'Italııa» grand-týrynyń 2016 jylǵy jeńimpaz bolyp otyr. Talǵat Raıymbek. Derek: vesti.kz. Foto: today.kz.