Kókshetaýda birneshe kúnnen beri aeroport jabylyp tur

KО́KShETAÝ. 29 mamyr. Aqmola oblysynyń ortalyǵyndaǵy aeroport mamandandyrylǵan ákimgershilik sotynyń sheshimimen birneshe kúnnen beri jabyq tur. Bul týraly oblystyq sot baspasóz qyzmetiniń deregine súıengen egemen.kz tilshisi habarlady. Sot qalanyń áýe qaqpasyn 10 kún merzimge japqan bolatyn. Oblystyq sottyń baspasóz qyzmeti habarlaǵandaı, sottyń aeroporttyń ıesi bolyp tabylatyn «Kókshetaý avıakompanııasy» AQ is-áreketin toqtatý týraly sheshimi avıasııalyq qaýipsizdik talaptarynyń buzylýyna baılanysty 1 aqpanda qabyldanǵan. Memlekettik baqylaý jáne tekserý organdarynyń zańdy talaptaryn, usynystaryn, qaýlylaryn oryndamaǵandary úshin avıakompanııanyń laýazymdy tulǵalaryna 200 esepti aılyq kóleminde aıyp pul salynǵan. Sonymen birge aeroporttyń jumysy 10 kúnge toqtatylǵan. Bul shara 20 mamyrdan bastaldy. Endi 30 mamyr kúni áýe qaqpasy qaıtadan óziniń jumysyn jalǵastyrady. Baqbergen Amalbek. Derek: Aqmola oblystyq sotynyń baspasóz qyzmeti.