Sátti júzege asyrylǵan joba

Búginde Indýstrııalandyrý kar­tasynyń jobalary óziniń jemisin berýde. Uıǵyr aýdanyndaǵy «Shon­jy Agro» JShS-niń jemis alqa­by sátti júzege asyrylǵan sol jo­balardyń biri. Budan bir jyl buryn aýdan kásipkerleri súıekti jemis-jıdek sharýashylyǵymen aınalysa­myz dep múlde oılamaǵan edi. Sha­rýalar der kezinde Ulttyq kásip­ker­ler pa­latasynyń kómegine júginip, sa­rap­­shylar olarǵa qolǵa alatyn is­tiń nátıjeli joldaryn kórsete bildi. – Biz «Shonjy Agro» JShS úshin bıznes-jospar jasap berdik, zańgerler bolsa quryltaıshylyq qujattaryn ázirleýge kómek kór­setti. Indýstrııalandyrý kartasyna óndirýshi retinde tirkelýge kómek berilip, odan keıin О́ńirlik nesıelik keńes kompanııa úshin 800 gektar jer bóldi. Kásipkerler endi úsh jyldyń ishinde atalǵan aýmaqty tolyq ıgermek. Bıylǵy jyly 100 gektar jerge órik pen shabdaly otyrǵyzý josparlanǵan, – deıdi Ulttyq kásipkerler palatasy Uıǵyr aýdandyq fılıalynyń dırektory Múslim Amangeldi. Onyń aıtýynsha, óńir klımaty jyldyń barlyq mezgilinde jumys isteýge múmkindik beredi. Sondyqtan, osy kóktemde 30 gektar jerge jemis túrleri otyrǵyzyldy, qalǵan 70 gektar jer kúzge qaraı ıgeriledi. Bir jyl ishinde 400 tonna jemis túrlerin óndirý jos­parlanǵan. Almaty oblystyq ká­sip­kerler palatasynyń jo­balar­dy súıemeldeý bóliminiń sarapshysy Dana Qalyqovanyń sózine qaraǵanda, ónimniń bul kólemi birqatar óńirdi tolyqtaı qamtamasyz ete alady. – 2018 jyly kásipkerler jańa shyryn óndirý zaýytyn ashý­dy josparlap otyr. Kon­ser­vant­syz ta­bıǵı taza ónim shyǵa­ryl­maq. Kon­sentrattardy shyryn jáne djem óndirý úshin kompa­nııa­­larǵa jetkizip berýge nıetti. Máse­leniń ótimdiliginen iske asyrý joly óz sheshimin tapty. Shet mem­leketter bizdiń ónimderdi tuty­nýǵa múddelilik tanytýda, – dedi ol. Bıyl Uıǵyr aýdanynda 261 gek­tardy quraıtyn jańa baý-baq­sha telimderi men alqaptary paıda­ boldy. Aýdanda shaǵyn kásip­ker­lik­tiń 6 myńnan astam ókili bar eken. Sondaı-aq, Kásipkerler pala­tasynyń Uıǵyr aýdandyq fılıaly teri jáne jún ónimderin óńdeýge arnalǵan zaýyttyń qyz­metine de belsene qoldaý kórsetti. Sonymen, Kásipkerler palatasy ónimderdi saqtaý qoımasyna arnalǵan elektrli tasymaldaý jáne sýmen jabdyqtaý úshin qosymsha jer telimi bólinýine kómek kórsetti. Kásiporyn táýligine 3,5 tonna usaq mal júnin óńdeıdi. Álısultan QULANBAI, «Egemen Qazaqstan» Almaty oblysy, Uıǵyr aýdany