Jıynǵa Mańǵystaý oblystyq koalısııa músheleri men kitaphana qyzmetkerleri qatysty. Basqosýda jańa Konstıtýsııadaǵy ózgerister men tolyqtyrýlar jan-jaqty túsindirildi. Mańyzdy qujatty arnaıy 130 músheden turatyn Konstıtýsııalyq komıssııanyń qaraǵany aıtyldy. Qujattaǵy bilim, ǵylym, ınnovasııa, jasandy ıntellekt, til máseleleri jáne tabıǵatty qorǵaý baǵytyndaǵy jańashyldyqtar talqylandy.
Ulttyq arhıv qyzmetkerlerine jańa Konstıtýsııa jobasy túsindirildi
Q. Sydıyqov atyndaǵy Mańǵystaý oblystyq ámbebap kitaphanasy kitaphanashysy Móldir Myrzataeva jańa Konstıtýsııaǵa qatysty pikir bildirdi.
«Búgin óńirlik koalısııa músheleri jańa Konstıtýsııaǵa baılanysty túsindirý jumystaryn júrgizip, naqty ári tolyq aqparat berdi. О́z oıymdy aıtar bolsam, qazirgi tańda jańa Ata Zańymyzǵa ózgerister engizilip, adam ómiri men quqyǵy basty qundylyq retinde aıqyndaldy. Bul ózgeristerdi men qoldaımyn. Sebebi kópbalaly ana retinde jáne erekshe qajettiligi bar balalardy tárbıelep otyrǵan analardy qoldaý máselesine erekshe kóńil bólingen. Balalardyń deni saý qurdastarymen bir mektepte bilim alyp, qoǵamda birge ómir súrýine jaǵdaı jasaý baǵytynda mańyzdy ári oń ózgerister engizilgen dep esepteımin. Sonymen qatar til týraly zańdaǵy ózgerister de kóńil qýantady. Jalpy engizilip jatqan barlyq ózgeristerdi qoldaımyn jáne halyqty 15 naýryzda ótetin referendýmdy qoldaýǵa shaqyramyn», dedi Móldir Myrzataeva.
Mańǵystaý atom energetıkalyq kombınatynyń ujymy jańa Konstıtýsııany qoldady
