Izgi nıetti ekspedısııa

Astanadaǵy Ulttyq mýzeıde «Jaıyq-Oral» halyq­aralyq tarıhı-mádenı ekologııalyq ekspedısııasynyń mereıtoılyq sharasy ótti. Memlekettik rámizder kúnine oraı uıymdastyrylǵan bul sharaǵa Qazaqstan hal­qy Assambleıasy qoldaý bil­dirdi. Oǵan QHA múshe­leri, «Jaıyq-Oral» ekspedı­sı­ıa­synyń ardagerleri men qaty­sýshylary, ǵylymı jáne shyǵarmashyl zııaly qaýymnyń ókilderi, etnomádenı birles­tikterdiń ókilderi qatysty. Basqosýda jıyrma jyldyq tarıhy bar ekspedısııanyń qyzmeti, júrip ótken joly turǵysynda keń kólemde aıtyldy. Reseılik áriptestermen tyǵyz baılanysta jumys is­tep kele jatqan ekspedısııa 2001 jyldan bastap ha­lyqaralyq mártebege ıe bolypty. Kóp jyldar boıy eks­pe­dısııa quramynda Parla­ment Májilisiniń depýtattary, saıası partııalardyń, at­qarýshy bıliktiń ókilderi, mamandar, ekolog ǵalymdar, ólketanýshylar, arheologtar, tarıhshylar, jýrnalıster, stýdentter men oqýshylar jumys isteıdi eken. Sharanyń ashylýynda sóz alǵan Qazaqstan halqy As­sambleıasy Tóraǵa­sy­nyń orynbasary, QHA Hatshylyǵynyń meńgerýshisi Eraly Toǵjanov Qazaqstandaǵy yntymaq pen el birliginiń mańyzdylyǵyna toqtalyp, ári qaraı da osy baǵytta jumystardy jal­ǵas­tyra berý kerektigin aıtty. – Bıylǵy jyl – mem­le­ke­timiz úshin erekshe jyl. Sebebi, el Táýelsizdigine 25 jyl tolyp otyr. Biz úshin Táýelsizdikten qymbat qundylyq joq. Demek, onyń qadirine de jete bilýimiz kerek. Búgingi is-sharamyzdyń basty maqsaty – qazirgi birligimizdi odan ári nyǵaıtý. Birlik, dostyq, kelisim bolǵan jerde órkendeý de, damý da bolady, – dedi E.Toǵjanov. Shara kezinde ekspe­dı­sııanyń elimiz úshin mańyzdy Jaıyq ózeni baısseıniniń eko­júıesin, baı tarıhı-mádenı qundylyqtardy saqtap qalý problemalaryn, sport­ty, deneshynyqtyrýdy, sala­matty ómir saltyn, pat­rıottyq tár­bıe berýdi, urpaqtar sabaq­tas­tyǵyn, trans­sheka­ralyq yn­ty­maqtastyqty damytýdy nası­hattaýdy óz mıssııasy retin­de qarastyratyny atap ótildi. Osy jyldar ishinde eks­pe­dısııaǵa qatysýshylar tek Jaıyq ózeni ǵana emes, son­daı-aq, Oral basseınindegi Saqmar, Elek ózenderi boıyn­sha birneshe myńdaǵan shaqy­rym júzip ótipti. Sonyń nátı­jesinde aýqymdy zertteý jumystaryn júrgizgen kóri­nedi. Sondaı-aq, ekspedısııa tarapynan kitaptar shyǵa­rylyp, televızııalyq fılm­der túsirilgen jáne taǵy bas­qa da jumystar júzege asy­rylǵan. Aıta keteıik, jıyn barysynda ekspe­dısııanyń 20 jyldyq tarıhyn qamtıtyn «Ja­ıyq – dostyq ózeni» atty fotosýret kórmesi usynyldy. Joldybaı BAZAR, «Egemen Qazaqstan»