Vedomstvo málimetinshe, ol Qylmystyq kodekstiń 99-baby 2-bóligi boıynsha kúdikke alynǵan.
Onymen birge buǵan deıin habar-osharsyz ketti dep halyqaralyq izdeýge jarııalanǵan burynǵy jubaıy da anyqtaldy.
Tergeý derekterine sáıkes, 2025 jylǵy qarasha aıynda Atyraý oblysynda kúdikti uzaqqa sozylǵan turmystyq janjal men paıdakúnemdik nıet negizinde eki adamdy qasaqana óltirýdi aldyn ala josparlap, júzege asyrǵan.
«Qylmysty jasaǵannan keıin izin jasyrý maqsatynda máıitterdi sharýashylyq qurylysynyń astyna kómip, qan izderin joıǵan, sondaı-aq jábirlenýshilerdiń múlki men qarajatyn ıemdengen», delingen habarlamada.
Qazirgi ýaqytta olardy Qazaqstan Respýblıkasyna deportasııalaý máselesi qarastyrylyp jatyr.
Aıta keteıik, 2025 jyldyń 25 jeltoqsanynda polısııaǵa tórt adamnan turatyn otbasynyń joǵalǵany týraly habar tústi: 66 jáne 64 jastaǵy erli-zaıyptylar jáne olardyń 33 jáne 35 jastaǵy eki eresek balasy. Polısııa «Kisi óltirý» baby boıynsha qylmystyq is qozǵady.
Qańtardyń basynda sharýashylyq ǵımaratynda erli-zaıyptylardyń deneleri pyshaq jaraqaty izderimen tabyldy. Polısııa kúdiktini izdeýge jarııalady.
Atyraý mańynda joǵalǵan otbasy oqıǵasy: izdeý jumysy qalaı júrip jatyr
Sonymen qatar, Atyraý oblysy TJD 32 jastaǵy Naýryz Muqanǵalı men 35 jastaǵy Meıramgúl Qarabalınany resmı túrde izdeý toqtatylǵanyn habarlady.
