Hat qorjyn

OQYRMAN ...rızashylyq bildiredi Atyna zaty saı aýrýhana Astanadaǵy Qazaqstan Prezıdenti Is basqarmasy Medısına ortalyǵynda 10 kún emdelgen kezimde ondaǵy aq jeleńdi abzal jandardyń óz isterine degen adaldyǵyna kóńilim bir marqaıyp qaldy. Medısına ǵylymdarynyń doktory, bilikti maman Vıacheslav Dýdnık basshylyq jasaıtyn aýrýhana men emdeý mekemesi­niń №3 hırýrgııa-travmatologııa bólimshesiniń ujymyna alǵysym sheksiz. Osy rette, bólimshe meńgerýshisi Erlan Jarmuhambetovtiń, neırohırýrgter Vladımır Balkovoı men Rýslan Qarabaevtyń óz isteriniń has sheberleri ekenin erekshe atap ótken jón. Olar­dyń jedel medısınalyq kó­mek kórsetýdegi jáne bas­qa da manıpýlıasııalardy uıym­dastyrýdaǵy eptilikterine emdelýshiler dán rıza. Taǵy bir baıqaǵanym, bas dárigerdiń bastamasymen aýrýhana birqatar belgili sheteldik klınıkalarmen baılanys ornatyp, tájirıbe almasý úrdisin dástúrge aınaldyrǵan eken. Mundaı qadam emdeý tásilinde óz jemisin berip, medısına­lyq qyzmet kórsetý sapasyn aı­tar­­lyqtaı jaqsarta tús­ken. Osyndaı oń ózgeristerge rı­za bolyp, aýrýhananyń ár qyzmetkerine eńbekteriniń jemisin kórip, tolaǵaı ta­bys­­­tarǵa jete berýlerine tilektestigimdi bildiremin.  Keńes ShAIMERDENOV, derbes zeınetker ALMATY ...jańalyǵyn jetkizedi Jańa nysandar ashyldy Qazirgi qıyn kezde el múd­de­sine qyzmet jasar sál nárseniń ózi eldi eleń etkizedi. Osyndaı ıgi sharanyń biri Qyzylorda oblysynyń Shıeli aýdanynda Ardagerler úıi men 300 oryndyq mektep paı­dalanýǵa berilip, máre-sáre bolyp qal­dyq. Aýdan boıynsha 7 myńnan astam ardager bolsa, munda olar­dyń bas qosyp, demalyp qaıtýlaryna bar jaǵdaı jasalǵan. Ǵımarat zamanaýı quraldarmen jabdyqtal­ǵan, aldaǵy ýaqytta ardagerler tegin medısınalyq keńesti de osynda alatyn bolady. Al bilim bulaǵy mektepten ekeni aıdan anyq bolsa, aýda­nymyzdyń Á.Tájibaev eldi mekeninde 300 oryndyq mekteptiń paıda­lanýǵa berilýi biz úshin úlken qýanysh boldy. Ol sharapatty shańyraq zamanaýı úlgide salynyp, oqýshylardyń sapaly bilim alýlaryna tolyq múmkindik qarastyrylǵan. Pán­dik kabınetter, akt zaly, ashana, sport zaly jáne 12 myńǵa jýyq kitap qory bar.  Elýbaı ÁÝEZOV Qyzylorda oblysy ...naqtylaǵysy keledi «Ýálıhan» ba, «Ýálı han» ba? Kókshetaý qalasynda kóshe­lerdiń kimniń atynda ekendigin ajyrata almaı qalatyn jaǵ­daılar kezdesedi. Máselen, «Ibragım» kóshesimen kele jatyp, bul qaı Ibragım degen oı jeteginde shatasasyz. Aqy­rynda «Áı, sony qoıshy» deı salasyz. Al «áı, qoıshy» deýge bolmaıtyn másele de bar. Ol sha­hardyń eń úlken kóshesine qatysty jaǵdaı. Aıtalyq, Sentralnyı shaǵyn aýdanynan bastalatyn Abylaı han dańǵyly Gorkıı kóshesimen jalǵasyp, Shoqan Ýálıhanov kóshesimen túıisedi. Biz ony osylaı qabyldaımyz. Biraq, álgi túıisken jerde úlken taq­taıshaǵa badyraıtyp «Ýá­lıhan» kóshesi dep jazyp qoıylǵan. Bul – Astana baǵytyndaǵy sapar silteme. Buǵan qosymsha, Stepnıak qalasynan burynǵy Ýálıhanov aýdanyna shyǵar jolda da «Ýálıhan» degen silteme tur. Sonda bul ne bol­ǵany? Qaı Ýálıhan? Kók­shetaýdyń shyǵysynda Ýálı hannyń zıraty, Han kóli degen kól de bar. Kósheniń aty osyǵan baılanystyrylǵan desek, «Ýálı han» dep bólek jazylýy kerek edi. Árıne, bárimizdiń ishki túı­sigimiz boıynsha kóshe aty Sho­qan Ýálıhanov dep qa­byl­daımyz. Biraq, kórkem Kók­sheniń qonaqtaryna, ke­limdi-ketimdi aǵaıynǵa ne dep túsindiresiz? Qarapaıym dú­nıeden kereksiz suraqtar týyndap jatatyny nesi?  Ashat SERǴALI, qala turǵyny KО́KShETAÝ ...batasyn beredi Beıtanys qyzǵa tánti boldym Kókshetaýdaǵy ardagerlerge arnalǵan emhanadan qaıt­qanymda aıaldamada kisi kóp eken. Men turatyn Býrabaı shaǵyn aýdanyna jetý qıyn, taksı toqtattym. Júrgizýshisi qyz bala eken. Kúlimsirep esik ashty, kóliktiń ishi-syrty muntazdaı. Qarııa adamnyń ádetimen «Atyń kim, aınala­ıyn?» dedim. Láılá Sattarova bolyp shyqty. Úıge jaqyndaı bere qal­ta telefonym shyldyrlap, qu­da eken, uzaq sóılestik. Al júrgizýshi Láılá kólikti kire­beriske deıin ákelip toqtatty. «Kóp jasa!» dep rahmetimdi aıtyp túsip qaldym. Úıge kelip jaıǵasqan soń qyzyma habarlasyp, neme­relerdiń halin bilmek bolyp edim, álgi telefonym joq. Máshına toqtaǵan kezde qaltama salǵan sııaqty edim... Qoldy uzar­typ turǵan dúnıe edi, kádimgideı ábigerge tústim. Bir saǵattaı ýaqytta qyzym keldi. Qolynda meniń telefonym. Qýanyp qaldym. Sóıtsek, álgi Láılá telefonymnyń ishin­degi jazbadan qyzymdy taýyp alǵan eken. Kóp jasa, qaraǵym! Berdaly HAMITOV, ardager ustaz Aqmola oblysy ...alǵys aıtady   Ajaldan arashalap qaldy Kútpegen jantúrshigerlik oqıǵa 13 mamyrdyń keshinde bolǵan edi. Esimdi jıyp, siz­derge endi habarlasyp otyrmyn. Sol kúni men sharýalarymdy bitirip, Jambyl kóshesindegi №134 úıime jaqyndaı berip, qarakóleńkede turǵan qyz ben jigitti kórdim. Sóz aýany­nan olardyń ózara kerisip turǵanyn baıqadym da, jandarynan tezirek ótip ketýge tyrys­tym. Sol kezde álgi jigittiń: «Men myna áıeldi jaıratyp salamyn», degen sózin es­tip qaldym. Osydan keıin ma­ǵan qaraı júgirip, ishime, odan keıin keýdeme pyshaq ser­medi. Qoryqqanymnan jan daýysym shyǵyp ketti. Kóp uzamaı patrýldik polısııa qyz­metkerleri jetip kelip, kózi qaraýytqan buzaqynyń belsendi qarsylyq kórsetýine qaramastan, ony quryqtady. Men – úsh balany jalǵyz tár­bıelep otyrǵan anamyn. О́z ómirlerin qaterge tigip, meni ajaldan qutqarǵan Kók­shetaý qalalyq polısııa qyz­met­kerleri Azat Sháripov pen Nurlan Omarovtyń ká­sibı bilik­tiligine, erligine rıza bolyp, úı-ishi­mizben alǵy­symyzdy aıtamyz. Samal AHMETJANOVA KО́KShETAÝ