Foto Pexels.com
Buǵan deıin BAQ-ta Qazaqstan sýdıasy keıbir reseılik sportshylarǵa tym joǵary ball qoıǵan, al altyn medal alǵan amerıkalyq Alısa Lıý men japon sportshylaryna tym tómen baǵa bergen degen aıyptaýlar paıda bolǵan.
«Adelııa Petrosıan tórttik sekirýden aýyr qatelik jasady jáne basqa sekirýlerde de aıqyn qatelikter boldy, biraq Pareskaıa reseılik sportshyny birinshi orynǵa shyǵardy. Bul baǵa tek qatysýshylar Petrosıan jasaǵandaı aýyr qatelikter jiberse ǵana aqtalýy múmkin edi. Biraq olaı bolǵan joq: sportshylar myqty óner kórsetti», dep jazady Forbes.
Sonymen qatar, Forbes basylymy Halyqaralyq konkı sporty odaǵynyń (ISU) ókili sýdıalar qoıǵan upaılardaǵy aıyrmashylyq qalypty tájirıbe ekenin, ár element boıynsha eń joǵarǵy jáne eń tómengi upaılar ádette esepke alynbaıtynyn atap ótkenin jazady. Uıym baǵalaýlar adal jáne ádil qoıylǵan dep sanaıdy.
Qazaqstan UOK habarlaýynsha, Olımpıadaǵa sýdıalardy taǵaıyndaý olardyń quzyretine kirmeıdi.
«Bul fýnksııalar tolyqtaı halyqaralyq sport federasııalarynyń quzyretinde. Mánerlep syrǵanaý boıynsha bul mindet ISU-ǵa júktelgen, ol Olımpıada oıyndaryna qatysatyn mamandar quramyn ózi anyqtaıdy», dep habarlady UOK.
ISU kandıdattardy tańdaǵanda halyqaralyq sýdıalyq sanatynyń bar bolýyn, biliktilikti jáne iri halyqaralyq jarystarda tájirıbeni basshylyqqa alady. Ulttyq Olımpıada komıteti bul proseske áser ete almaıdy jáne sheshim qabyldaýǵa qatyspaıdy.
Mılan-Kortına Olımpıadasyna qatysqan otandastarymyz elge oraldy
«Olımpıadadaǵy sýdıalar – táýelsiz tehnıkalyq mamandar, ISU erejeleriniń sheńberinde jáne syrtqy yqpaldan táýelsiz jumys isteıdi. Sýdıalardyń jumysy ISU tehnıkalyq komıtetteri arqyly baqylanyp, qatań erejelermen retteledi», dep tolyqtyrdy komıtet.
Keleshek olımpıadalarǵa daıyndyq bastaldy ma? Astanada jańa shańǵy bazasy paıdalanýǵa berildi
