Nıý-Iorkti baǵyndyrǵan qazaq balasy

Álemge áıgili qazaq­standyq skrıpkashy Erjan Kúlibaev Nıý-Iorkte ótken I Manhettendik mýzyka baıqaýynyń ishekti mýzykalyq aspaptar atalymy boıynsha bi­rinshi júldeni ıe­lendi. Munymen qatar, otanda­symyzdyń esimi «Manhattan Internationai Artists» agenttigi tizimine engizilmek. Jalpy, halyqaralyq «Manhattan Music» baıqaýynyń maq­saty ártistigimen, sahnadaǵy ózgeshe daryndylyǵymen erekshelengen oryndaýshylardy taý­yp, olardyń álemdik deńgeıde óner kórsetýine, kásibı turǵyda ósip-damýyna barynsha qoldaý kórsetý bolyp tabylady. Jeńimpaz mýzykanttar áıgili Karnegı-holl sahnasynda (Nıý-Iork) óner kórsetti. Dybys jazatyn halyqaralyq «Orpheus» kompanııasy ártisterdiń kompakt-dıskilerin jazyp, taratýdy óz moınyna aldy. Aıta ketetin jaıt, olardyń dybys jazýyna avtorlyq quqyq jáne jeke qoldanysyna 1000 dana kúıtabaq berilmek. Bul jeńimpazdar úshin eń úlken marapat bolyp sanalady. Sondaı-aq, ártisterdiń esimi, jańadan qurylǵan dúnıejúzindegi klassıkalyq mýzykanttardyń múd­desin qoldaıtyn «Manhattan Internationai Artists» agenttigi tizi­mine enedi. Ártisterdiń qaltasynan artyq shyǵyn shyqpaýy úshin, baıqaý negizinen qatysýshylardyń jibergen beınejazbalary arqyly ótkizildi. О́ner báıgesinde baq synaýshylarǵa qoıylǵan talaptyń biri oryndaýshylardyń jasy 35-ten aspaýy tıis. Baıqaý fortepıano, vokal jáne ishekti aspaptar atalymdary boıyn­sha ótti. Bedeldi qazylar quramyna aty ańyzǵa aınalǵan pıanınoshy Ivo Pogorelıch tóraǵalyq etti. Erjan Kúlibaevtiń Amerı­kadaǵy bul jeńisi – osyǵan deıingi sansyz jetistikteriniń biri ǵana. Bul salada ájeptáýir bıikterdi eńserip úlgergen jas srıpkashynyń Býenos-Aıres, Lıssabon, Berlın, Novosibir jáne Ekaterınborda ótken halyqaralyq baıqaýlardaǵy júldeleri onyń álem skrıpkashylary arasyndaǵy bedelin barynsha asyra túsken asqaq shyńdary deýge ábden laıyq. «Washington Award» syılyǵynyń ıegeri, Poznanda (Polsha) ótken G.Venıavskıı baı­qaýynyń jeńimpazy E.Kúlibaevqa Ulybrıtanııa, Avstrııa, Almanııa, Shveısarııa, Belgııa, Fransııa, Ispanııa, Portýgalııa, Meksıka, AQSh jáne Kanadanyń kórermeni qol soǵyp, qoshemet kórsetti. Qazaqstandyq talant ıesi jaıynda mýzyka synshylary tarapynan óte joǵary baǵa berilýde. Mysaly, Argentınanyń «La Nación» basylymynyń tilshisi bylaı dep jazady: «Syrbaz jas solıstiń sol qolynda – Stra­dıvarı skrıpkasy. Onyń jarqyrap oınaýyndaǵy dybystyń ekpin­diligi, joǵary tehnıkasy úlken áser qaldyrady, árbir kórermendi ózine baýrap alady. Skrıpkashy P.Chaıkovskııdiń mýzykasyn naq­ty ári sezimge toly etip jetkize bildi. Kesh sońynda argentınalyq kórermen oryndarynan tik turyp qol soqty». Qarshyǵa KÚLEN Sýrette: Erjan Kúlibaev