Qannyń qaterli isigi

aspırınniń aralasýymen  aýyzdyqtalady Avstralııadaǵy Gledstoýn ınstıtýtynyń ǵalymdary kádimgi aspırınniń qannyń quramyndaǵy qaterli isik aýrýy­nyń aldyn alyp, aýyzdyqtap beretinine se­nimdi bolyp otyr. Buǵan oqy­mystylar dári qura­myndaǵy salısıl qysh­qyly isiktiń damýyn toqtatyp, qaterli aýrýdyń betin qaıtaratyn komponent ekenin dáleldeý arqyly kóz jetkizip otyr. Zertteý barysynda salısıl qyshqylynyń, sondaı-aq, odan bólinip shyǵatyn dıf­lýnızaldyń búkil adam aǵza­synyń jasýshalaryndaǵy genderdiń belsendiligine jaýap beretin eki aqýyzdy basyp tastaıtyny belgili bolǵan. Osy arqyly aýrýdyń qarqyn alýy da tejeledi. Munyń sońyn ala Ger­ma­nııanyń Maıns ýnıver­sıtetiniń zertteýshileri de qaterli isiktiń alýan túriniń betin qaıtaratyn besaspap preparat jasap shy­ǵarǵandaryn jarııa etti. Onyń túıindi komponenti RNK-ny quraıtyn nanabólshekter bolyp tabylady. Olar ımmýndy jasýshalardyń ishine kirip, aǵzanyń qaterli isikterge qarsy qorǵanys qabiletin kúrt arttyrady. Damır QOJAMQUL