Zúlfııa Chınshanlo dopıng úshin Olımpııalyq medalinen aırylady

ASTANA. 4 maýsym. Qazaqstandyq aýyr atlet Zúlfııa Chınshanlo 2012 jyly London Olımpııalyq oıyndarynda alǵan altyn medalinen aırylatyn túri bar. Bul týraly ras.kz-ke silteme jasaǵan egemen.kz tilshisi habarlady. Qytaı basylymy jaqynda Halyqaralyq olımpııalyq komıtet Beıjiń men London Olımpııalyq oıyndarynyń jeńimpazdaryn dopıng-testiden qaıtara ótkizgenin jazady. Solardyń birinde Chınshanlony tekserý oń nátıje kórsetken, ıaǵnı onyń dopıng qoldanǵany anyqtalǵan. Mundaı tuzaqqa barlyǵy 4 sportshy túsip qalǵan. China Post málimetinshe, endi Zúlfııanyń altyn medali Oıyndarda kúmis júldeger atanǵan taıvandyq Hsý Shýchınge tapsyrylady. Ázirge Qazaqstan ulttyq olımpııalyq komıteti bul jaǵdaıǵa baılanysty eshqandaı resmı jaýap bergen joq. Al gazet Taıvan sportshysy jattyqtyrýshysynyń feısbýkte olımpııalyq joǵary nagradanyń óz shákirtine berilgeni týraly post jazǵanyn, biraq artynsha jazbasyn alyp tastaǵanyn baıandaıdy. 22 jastaǵy Zúlfııa Chınshanlo Almatyda týǵan. Biraq bala kezinde ata-anasymen birge Qytaıǵa qonys aýdarady. Ol 2008 jyly Qazaqstanǵa oralyp, bizdiń elimizdiń azamattyǵyn aldy. Sol ýaqyttan beri respýıýlıka quramasy sapynda óner kórsetip keledi. Ol 2009 jyly 16 jasynda eresekter arasynda álem chempıony atanyp, aýyr atletıka tarıhynda rekord jasady. Chınshanlo 2012 jyly Londnda ótken Olımpıadada altyn medal jeńip alyp, Halyqaralyq aýyr atletıka federasııasynyń boljamy boıynsha álemniń eń úzdik ziltemirshisi atandy. Talǵat Raıymbek. Derek: ras.kz. Foto: sports.kz.