Áıgili boksshy Muhammed Álı 74 jasynda qaıtys boldy

ASTANA. 4 maýsym. AQSh-tyń Arızona shtatyna qarasty Fınıks qalasyndaǵy aýrýhanalardyń birinde áıgili boksshy Muhammed Álı 74 jasynda qaıtys boldy. Bul týraly RIA «Novostı» aqparat agenttigine silteme jasaǵan egemen.kz tilshisi habarlady. NBC News telekompanııasyna dańqty boksshynyń qaıtys bolǵany týraly málimetti onyń otbasynyń ókili málimdedi. Brıtanııalyq Mirror basylymy osydan birneshe kún buryn Muhammed Álıdiń tynys joldarynyń nasharlaýyna baılanysty aýrýhanaǵa jatqyzylǵanyn habarlaǵan. Keıinirek dárigerler onyń jaǵdaıy tym aýyr ekenin ári ólim aýzynda jatqanyn aıtty. Boksshyny aýrýhanadan shyǵarý týraly sheshim qabyldamaq bolǵan, biraq bul Muhammed Álıge aýyr bolady degen qorytyndyǵa keldi. Aıta keteıik, ol 1942 jyly 17 qańtar kúni AQSh-tyń Kentýkkı shtatyndaǵy Lýısvıll qalasynda týǵan. Aýyr salmaq dárejesindegi kásibı boksshy. Álemniń birneshe dúrkin chempıony. Búginge deıin jyl boksshysy ataǵyna 5 ret ıe bolǵan jalǵyz sportshy. Aıan Ábdýálı. Derek, foto: RIA «Novostı».