Dúken qaraýyly ózine tap bergen uryny uryp óltirdi

KО́KShETAÝ. 4 maýsym. Aqmola oblysynda magazın qaraýyly ózine shabýyl jasaǵan tonaýshyny qorǵaný kezinde óltirip qoıǵan. Bul týraly oblystyq ishki ister departamenti baspasóz qyzmetiniń deregine silteme jasaǵan egemen.kz tilshisi habarlady. Oblystyń Sandyqtaý aýdandyq ishki ister bóliminiń kezekshi bólimine aýdandyq aýrýhana dárigerinen hırýrgııa bólimshesinde denesiniń kóp jerinde jaraqaty bar jas jigittiń qaıtys bolǵany jaıynda habar túsedi. Qaıtys bolǵan jigittiń aýdandaǵy Kamenka aýylynyń 24 jastaǵy turǵyny ekeni aıtylady. Jedel-izdestirý sharalary barysynda Kamenka aýylynda óz áıeli atyndaǵy dúkenniń qaraýyly bolyp jumys istep júrgen er kisiniń ózine jasalǵan qaraqshylyq shabýyl kezinde qorǵanyp júrip, qarsylasyna birneshe jerden jaraqat salady. Oqıǵa túnde bolǵan. Úıinde otyrǵan qaraýyl esik aldynda bolǵan shýdy estip, syrtqa shyqqanynda, magazınge ury túskenin baıqaıdy. Muny ol dúken úıiniń terezesi alynyp qalǵanynan biledi. Sosyn ol saýda úıiniń ishine kiredi. Osy kezde tý syrtynan qarýyldyń kelip qalǵanyn kórgen ury qolyndaǵy shege sýyrǵyshymen buǵan tura umtylady. Qaraýyl shabýyl jasaýshynyń soqqylarynan qorǵana júrip, bir ýaqyt onyń qolyndaǵy quralyn julyp alyp, endi ózin soqqylaı bastaıdy. Polıseıler osyǵan baılanysty qylmystyq is qozǵady. Kisi óltirýshi ustalyp, ýaqytsha ustaý oqshaýlaǵyshyna qamaldy. Baqbergen Amalbek. Derek: Aqmola oblystyq ishki ister departamentiniń baspasóz hatshysy.