TALDYQORǴAN. 7 maýsym. Kezinde jasyl qala atanǵan Taldyqorǵanda qýraǵan aǵashtar qulap jatyr. Bul týraly egemen.kz i habarlady.
Búginde jel shyqsa qýraǵan aǵashtar qulap, avtokólikterdi basyp qalsa «e, adamdary aman eken ǵoı» dep jyly jaba salý ádetke aınalyp barady. О́ıtkeni, bul adamdar erensizdigine tabıǵattyń jaı eskertpesi dep sanalyp mundaıǵa boılary úırengen tulǵalar selt ete qoımaıtyny jasyryn emes. Al el ishinde moraldyq, materıaldyq turǵyda zardap shekken jandar problemalary jaıly «sol sátte kóliktiń ishinde adam bolsa she?», «sonda qalanyń ishinde kólikpen júrýge bolmaı ma ?», «zańdy túrde avtoturaqqa, jol boıyna toqtatqanyna jazyqty ma ?» «kóligi saqtandyrylsa bir mánisi bolar, áıtpese...» degen sydyrtpa suraqtar men jubatpa sózder aıtyla bastady. Al bılik qala kóshelerin qopara qazyp, qubyrlar men joldarda bitpeıtin jóndeý jumystarymen álek. Almaty oblysy boıynsha tótenshe jaǵdaılar jónindegi departamentinen alynǵan málimetke súıensek, bıylǵy jyldyń 26 mamyrynda Taldyqorǵanda sekýntyna 18-24 metr jyldamdyqpen soqqan jeldiń kúshimen qulaǵan aǵash Gaýhar Ana kóshesi №120 úıdiń janynda toqtap turǵan «Nıssan Maksıma» markaly avtokólikti basyp qalady. Arada 10 mınýt ótkende Birjan sal kóshesindegi 3-qabatty «Altaır» saýda úıiniń 60 arshy metr shatyryn julyp «Aýdı- S4», «Leksýs GS-300», «Daewoo NEXIA» markaly avtokólikterdi basypty. Tizbeleı bersek, qalanyń qaq ortasyndaǵy adam kóp júretin «Qaraǵash» saýda úıi, Halyq banki, «Qaqaqtelekom» sekildi ǵımarattar janyndaǵy bılbordtardy julyp túsirip, aǵashtardy qulatqan faktiler jetip artylady.
Qoryta aıtqanda, qalany aralap kórseńiz osydan 30-50 jyl buryn tigilip jaıqala ósken aǵashtar kókke shanshyla bozaryp tur. Qýraǵan. О́ıtkeni kezinde qalany aralaı aǵyp, aǵashtardy nárlendirgen toǵandar bitelgen. Onyń bir sebebi qala ishinde sándene boı kótergen turǵyn úıler salynǵanda toǵan máselesi umyt qaldy ma, álde artyq shyǵyn dep sanaldy ma áıteýir sý júıesi joq.
Nurbol Áldibaev
Derek, foto: egemen.kz
