Saýalnama: Respondentterdiń 86,5%-y jańa Konstıtýsııa jobasyn qoldaıdy

30 ret

kórsetildi

2 mın

oqý úshin

Qoǵamdyq saıasat ınstıtýty júrgizgen saýalnama Qazaqstan Respýblıkasynyń jańa Konstıtýsııasy jobasy jóninde halyqtyń habardarlyq deńgeıi joǵary ekenin kórsetedi. «Qazaqstan Respýblıkasynyń jańa Konstıtýsııa jobasy týraly estidińiz be?» degen saýalnama suraǵyna respondentterdiń 87,5%-y qujatpen belgili bir deńgeıde tanys ekenin bildirgen: olardyń 34,2%-y mazmunyn jaqsy biletinin aıtsa, taǵy 53,3%-y joba týraly estigenin, biraq egjeı-tegjeıimen tanys emes ekenin jetkizgen. Sonymen qatar, saýalnamaǵa qatysqandardyń 12,5%-y bul týraly eshteńe estimegenin málimdegen, dep habarlaıdy Egemen.kz.

Marjan TILEÝBEK

Saýalnama: Respondentterdiń 86,5%-y jańa Konstıtýsııa jobasyn qoldaıdy

Jańa Konstıtýsııa jobasyn qoldaý deńgeıi («Buqaralyq aqparat quraldarynda jańa Konstıtýsııa jobasy jarııalandy. Siz osy jobany qoldaısyz ba?») aıtarlyqtaı joǵary. Saýalnamaǵa qatysqandardyń 86,5%-y jarııalanǵan jobany qoldaıdy: 48,4%-y usynylǵan ózgeristerdi tolyqtaı quptaıdy, al 38,1%-y jekelegen baptary men erejelerin maquldaıdy. Sonymen birge qujat mátinimen jaqsy tanys respondentter arasynda qoldaý deńgeıi aqparattaný deńgeıi tómen toptarmen salystyrǵanda edáýir joǵary ekeni baıqalady.

Referendým: Daýys berý ýchaskesin qaıdan bilýge bolady?

Referendýmǵa yqtımal qatysý deńgeıi 70,7% kóleminde baǵalanady («Siz jańa Konstıtýsııa jobasy boıynsha ótetin referendýmǵa daýys berýge barasyz ba?»). Sonymen qatar, respondentterdiń 11,6%-y daýys berýge qatysýdy josparlamaıtynyn bildirse, 17,7%-y áli naqty sheshim qabyldamaǵan.

«Jańa Konstıtýsııa jobasynda kórsetilgen tómendegi baptar men normalardy siz qoldaısyz ba, álde qoldamaısyz ba?» degen suraqqa berilgen jaýaptarǵa sáıkes, joba normalarynyń ishinde eń joǵary qoldaýǵa ıe bolǵandar: tabıǵatqa uqypty qaraý qaǵıdatyn bekitý (94,3%), mádenıet pen bilim, ǵylym men ınnovasııa qundylyqtaryn bekitý (87,8%), sondaı-aq sıfrlyq ortada azamattardyń jeke derekterin qorǵaý (87,7%). Atalǵan erejelerge qatysty oń kózqaras barlyq áleýmettik toptarda kórsetilip otyr.

Saýalnamany Qoǵamdyq saıasat ınstıtýty «AMANAT» partııasynyń tapsyrysy boıynsha ulttyq reprezentatıvti irikteme negizinde 9-18 aqpan aralyǵynda júrgizdi. Irikteme kólemi – 18 jastan asqan 8000 respondent (17 oblys, Astana, Almaty, Shymkent qalalary). Irikteme qateligi – ±1,19%. Derekterdi jınaý ádisi – jappaı saýalnama (face-to-face). Saýalnama Qazaqstan Respýblıkasynyń Ortalyq saılaý komıssııasyn jazbasha habardar etý arqyly, Qazaqstan Respýblıkasynyń «Respýblıkalyq referendým týraly» Konstıtýsııalyq zańyna sáıkes ótkizildi.