Elimizdegi avtokólikter jer serigi júıesi arqyly baqylanady

PAVLODAR. 7 maýsym. Pavlodar oblysyndaǵy «Qazaqstan elektrolız zaýyty» aksıonerlik qoǵamy GPS júıesin jańartty. Bul týraly egemen.kz tilshisi habarlady. Kólikterge beıne – tirkegishter, GPS-trekerler men janarmaı deńgeıin qadaǵalaý qurylǵylary ornatylýda. Jer serigi arqyly avtokóliktiń qozǵalysyn baqylaýǵa arnalǵan júıe iske qosyldy. Onyń artyqshylyǵy operator onlaın rejıminde qozǵalys baǵytyn, jyldamdyq pen janarmaı shyǵynyn qadaǵalaı alady. Zaýyttaǵy 26 avtokólikke GLONASS, GPS, GSM tehnologııalarynyń bazasyndaǵy borttyq kontroller men janarmaı deńgeıin qadaǵalaıtyn qurylǵylar ornatyldy. Avtokólikti jer seriginen baqylaý júıesine jańa tehnologııalardy ornatý avtokólikterdi bosqa paıdalanýdan, urlyq jasaý múmkindiginen saqtap, qyzmetkerlerdiń tártibin joǵarylatýǵa jáne avtoparktiń jumysyn ońtaılandyrýǵa qajet. Kólik jymdamdyǵyn qadaǵaýdyń arqasynda júrgizýshilerdi tártipke salyp, óndiriste qaýipsizdikti saqtaýǵa yqpal etpek. Aldaǵy bir aı boıy avtokólikti jer seriginen baqylaý júıesi testileý rejıminde jumys isteıdi. Oǵan deıin atalǵan kompanııadaǵy kólik sehynyń mamandary kerekti parametrlerin taýyp, biryńǵaı kórsetkish standartyn sáıkestendiredi. Kásiporyn 20 kólikke zamanaýı júıeni ornatýdy josparlap otyr. Farıda Byqaı. Derek, foto: egemen.kz.