QARAǴANDY. 8 maýsym. Gennadıı Golovkın men onyń promoýteri Tom Leffler NVO telearnasynyń túsirilim tobymen birge Qaraǵandyǵa keldi. Olar Nurken Ábdirov atyndaǵy sport saraıyndaǵy boks zalynda bolyp, dostarymen, qaraǵandylyq sportsúıer qaýymmen jáne jas boksshylarmen kezdesti. Bul týraly egemen.kz tilshisi habarlady.
Boksshynyń resmı ókili Oleg Germannyń aıtýynsha, Golovkın Qazaqstanda jeke sharýamen júrse, NVO telearnasy onyń Otanyna baǵdarlama túsirý úshin kelgen. Kórsetilim Golovkınniń aldaǵy bolatyn jekpe-jegine arnalatyn kórinedi.
«Qazir biz Astanaǵa qaıtamyz. Gennadııdiń endi qashan keletinin dóp basyp aıta almaımyn. Sharýa kóp, Anglııaǵa ushýymyz kerek. Gennadıı sodan keıin qaıtyp kelýi múmkin. Ázirge baspasóz ókilderimen kezdesý baǵdarlamamyzda joq. Qazir bizdiń ýaqytymyz tyǵyz. Kelesi joly Qazaqstanǵa qarasha-jeltoqsan aılarynda kelýimiz múmkin. Mine, sol kezde Gennadıı baspasóz ókilderimen mindetti túrde kezdesetin bolady», – dedi Oleg German.
Aıta keteıik, Saýl Alvares orta salmaqta WBC tıtýlynan bas tartqannan keıin, Golovkın kásipqoı bokstaǵy eń ataqty sportshy atandy. Endi oǵan bir ǵana ataqty jeńip alý kerek: ol – brıtanııalyq Bıllı Djo Sonderske tıesili WBO tıtýly.
Golovkın óziniń kelesi jekpe-jegin qyrkúıek aıynda ótkizýdi josparlaǵan. Biraq onyń qarsylasy ázirge belgisiz.
Qaırat Ábildınov.
Derek, foto: egemen.kz.
