Jeńiske jetti

Keshe Qytaıdyń Dalıan qalasynda fýtboldan Qazaqstan men Qytaı ulttyq qurama komandalarynyń arasynda joldastyq kezdesý ótti. Kezdesýde Qazaqstan qura­masy 1:0 esebimen jeńiske jet­ti. Matchta alańǵa 67-mınýtta shyqqan jartylaı qorǵaýshy Azat Nurǵalıev jalǵyz doptyń avtory atandy. Jalpy, oıyn óte tartysty jaǵdaıda ótti. Birinshi taımda qarsylastar bir-birin ańdyp, ara-tura shabýyl jasaǵanymen, kóp qaýipti jaǵdaı jasamaǵan edi. Al ekinshi taımda jasyl alańda naǵyz taıtalasqan oıyn boldy. Alań ıeleri match­tyń joldastyq kezdesý ekenin umytyp, birin­shi taımnyń sońynan bastap otan­dastarymyzǵa qarsy dóreki oınady. Sondaı sátterdiń bi­rinde Ulan Qonysbaev jara­qat alyp qaldy. Biraq ult­tyq quramamyz ondaı psı­ho­­lo­gııalyq qysymdarǵa «syn­­baı», kerisinshe, namysqa tyry­syp, shabýyldardy jıilete tústi. Qytaı quramasy da qarap jatpady. Olar da Davıd Lorııa qorǵaǵan qaqpaǵa birneshe qaýipti sát tóndirdi. Osy kezde qu­ra­manyń bas jattyqtyrýshysy min­­detin atqarýshy Talǵat Baısý­fınov alańǵa Sergeı Hıjnı­chenkonyń ornyna Azat Nur­ǵalıevti shyǵardy. Bul oıynshyny óte sátti almastyrý boldy. Azat Qytaı komandasy qaqpasyna shabýyldardyń birinde áýeletip berilgen pasty paıdalanyp, baspen ádemi gol soqty. Osydan keıin alań ıeleri qansha shabýyldaǵanymen, jer­lesterimiz saýatty qorǵanyp, tablodaǵy esepti oıyn sońyna deıin saqtaı bildi. Dastan KENJALIN, «Egemen Qazaqstan»