Tynysty taryltyp, qos ókpeni qyspasa eken...

Astanamyz jyl sanap kórkeıip keledi. Qurylys endi Esildiń oń jaǵalaýynda molyraq júrgizilmekshi. Durys-aq. Jer keń ǵoı, qalanyń aýmaǵy sozylyp, ósirile bersin. Biraq olaı bolmaı ma degen kúmán de kókeıden ketpeı júr. Bizdiń «Egemen Qazaq­stan» gazetiniń keńsesi or­nalasqan aýdandaǵy Kene­sary, Sembınov, Abaı kó­sheleriniń boıyndaǵy Hrý­shev zamanynda turǵy­zylǵan 2 qabatty úıler buzylyp, qazir oryndary bosap jatyr. Jer keńip, tynysymyz ashylyp qaldy. Endi sol jerlerge aǵashtar egilip, gúlzarlar otyrǵyzylyp, adamdar demalatyn oryndar jasalsa, tipti, oryndy bolar edi. Sporttyq alańdar jasaqtalyp, jumystan sharshap shyqqanda boı jazatyn jaǵdaılar jasalsa, ózimizdi álemniń damyǵan 30 eli turǵyndarynyń birindeı seziner edik. Alaıda, osy aýdanda salynǵan birneshe úı turǵyndarynyń kóńili kúpti. О́ıtkeni, eki qabat úılerden bosaǵan jerlerdi ákimdik kásipkerlerge satyp, al olar 16-18 qabatty qoraptar turǵyzyp, adam men mashına sanyn qu­myrs­qanyń ıleýindeı qu­jynatyp jibermes pe eken degen kúdik únemi kúsh alýda. Kommýnıkasııasy jetilgen, ınfraqurylymy bar bul jerlerden bıik úıler tur­ǵyzý ońaı. Qu­rylysy qym­batqa tús­peıdi. Son­dyqtan, bir-birine jal­ǵastyryp, bıik úılerdi qap­tatsa... ty­nysyń tarylyp, ókpeń qy­sylǵannyń kókesi sonda bolady. Osydan qorqamyz. Áleýmettik baǵdarly ekonomıka jasaımyz degen sertimiz bar edi, Úkimet sony umyta qoıǵan joq shyǵar. Áýeli halyqtyń qamyn oılap, qandaı jolmen bolsa da aqshany kúrep tapqysy keletinderdiń adymyn ashtyra qoımas degen úmitimiz de joq emes... Jaqsybaı SAMRAT, «Egemen Qazaqstan» ASTANA