Qaraǵandyda jalǵan habarlama jasaǵan kúdikti qolǵa tústi

QARAǴANDY. 8 maýsym. Qaraǵandy ishki ister basqarmasynyń jedel basqarý ortalyǵyna ortalyq ámbebap dúkenge jarylǵysh zat qoıylǵany týraly belgisiz bireýden habarlama tústi. Bul týraly oblystyq ishki ister departamentiniń baspasóz qyzmetine silteme jasaǵan egemen.kz tilshisi habarlady. Saýda ortalyǵyna shuǵyl qyzmet túrleriniń bári jetti. Tutynýshylar, satýshylar jáne tehnıkalyq qyzmetkerler, barlyǵy 500-ge jýyq adam dabyl boıynsha syrtqa shyǵaryldy. Saperler ǵımarat ishin súzip shyqty. Jarylǵysh zat tabylmady. Tártip saqshylary jedel-izdestirý sharalary barysynda Qaraǵandy qalasynyń 26 jastaǵy turǵynyn qolǵa túsirdi. Ol mas kúıinde óziniń uıaly telefonynan 102 nómirine qońyraý shalyp, jalǵan habarlama jasaǵanyn moıyndady. Uıaly telefon aıǵaq retinde tárkilendi. Kúdiktige qatysty lańkestik akt týraly jalǵan habarlama jasaǵany úshin qylmystyq is qozǵaldy. Ol alty jylǵa deıin bas bostandyǵynan aıyrylýy múmkin. Qaırat Ábildınov. Derek, foto: Qaraǵandy oblystyq ishki ister departamentiniń baspasóz qyzmeti.