Qazaqstan Respýblıkasy Densaýlyq saqtaý jáne áleýmettik damý mınıstrliginiń buıryǵy  №280 2015 jylǵy 28 sáýir Astana qalasy

  Tegin medısınalyq kómektiń kepildik berilgen kólemi sheńberinde profılaktıkalyq medısınalyq qarap-tekserýge jatatyn adamdarǵa osy qarap-tekserýden ótýi úshin jumys berýshilerdiń jaǵdaı jasaý qaǵıdasyn bekitý týraly «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 7-baby 1-tarmaǵynyń 119) tarmaqshasyna sáıkes buıyramyn: 1. Qosa berilip otyrǵan Tegin medısınalyq kómektiń kepildik berilgen kólemi sheńberinde profılaktıkalyq medısınalyq qarap-tekserýge jatatyn adamdarǵa osy qarap-tekserýden ótýi úshin jumys berýshilerdiń jaǵdaı jasaý qaǵıdalary bekitilsin. 2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Medısınalyq kómekti uıymdastyrý departamenti: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kún ishinde merzimdik baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrýdy qamtamasyz etsin. 3. Oblystardyń, Astana jáne Almaty qalalarynyń densaýlyq saqtaý basqarmalarynyń basshylary buıryqty iske asyrý boıynsha jumys berýshilermen ózara is-qımyldy qamtamasyz etsin. 4. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri A.V. Soıǵa júktelsin. 5. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Densaýlyq saqtaý jáne áleýmettik damý mınıstri T. DÚISENOVA Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 28 sáýirdegi №280 buıryǵymen bekitilgen Tegin medısınalyq kómektiń kepildik berilgen kólemi sheńberinde profılaktıkalyq medısınalyq qarap-tekserýge jatatyn adamdarǵa osy qarap-tekserýden ótýi úshin jumys berýshilerdiń jaǵdaı jasaý qaǵıdasy 1. Jalpy erejeler 1. Osy Tegin medısınalyq kómektiń kepildik berilgen kólemi sheńberinde profılaktıkalyq medısınalyq qarap-tekserýge jatatyn adamdarǵa osy qarap-tekserýden ótýi úshin jumys berýshilerdiń jaǵdaı jasaý qaǵıdasy «Halyq densaýlyǵy jáne densaýlyq saqtaý júıesi týraly» Qazaqstan Respýblıkasy 2009 jylǵy 18 qyrkúıektegi Kodeksiniń 7-babynyń 1-tarmaǵynyń 119) tarmaqshasyna sáıkes ázirlendi jáne tegin medısınalyq kómektiń kepildik berilgen kólemi sheńberinde profılaktıkalyq medısınalyq qarap-tekserýge jatatyn adamdarǵa osy qarap-tekserýden ótýi úshin jumys berýshilerdiń jaǵdaı jasaý tártibin aıqyndaıdy. 2. Profılaktıkalyq medısınalyq, sonyń ishinde tegin medısınalyq kómektiń kepildik berilgen kólemi sheńberinde qarap-tekserýlerge jatatyn halyqty skrınıngilik qarap-tekserý (budan ári – profılaktıkalyq qarap-tekserý) júrgizýdiń negizgi maqsaty aýrýlardy erte satyda anyqtaý, aýrýlardyń damýynyń, aýrýlardyń týyndaýyna yqpal etetin qaýip faktorlarynyń aldyn alý, jumys isteıtin halyqtyń densaýlyǵyn qalyptastyrý jáne nyǵaıtý bolyp tabylady. 3. Profılaktıkalyq qarap-tekserýden ótý úshin jaǵdaı jasaý jumys berýshi men jumyskerdiń densaýlyǵy úshin ortaq jaýapkershiligin yntalandyrý maqsatynda júzege asyrylady. 4. Profılaktıkalyq qarap-tekserý tegin medısnalyq kómektiń kepildik berilgen kólemi sheńberinde osy qyzmettiń túrine lısenzııasy bar densaýlyq saqtaý sýbektileri júrgizedi. 5. Profılaktıkalyq qarap-tekserýdi ambýlatorııalyq-emhanalyq kómekti (budan ári – MSAK uıymdary) usynatyn medısınalyq uıymdarda alǵashqy medısınalyq-sanıtarııalyq býyn mamandary júrgizedi: jalpy praktıka dárigeri, ýchaskelik terapevt dáriger/pedıatr, ýchaskelik meıirger/jalpy praktıka meıirgeri, feldsher, akýsher. 6. Profılaktıkalyq qarap-tekserý: 1) medısınalyq pýnktte; 2) feldsherlik-akýsherlik pýnktte; 3) dárigerlik ambýlatorııada (Otbasy densaýlyǵy ortalyǵynda); 4) emhanada júrgiziledi. 7. Jumys isteıtin halyqty profılaktıkalyq qarap-tekserýdi uıymdastyrý MSAK uıymdarynyń mynadaı jumys kezeńderiniń júzege asyrýyn qamtıdy: 1) aýmaqtyq ýchaskede kásiporyn tizbesin qalyptastyrýdy; 2) «Halyqtyń nysanaly toptaryn profılaktıkalyq medısınalyq tekserip-qaraýdy júrgizý erejesin bekitý týraly» Qazaqstan Respýblıkasy Densaýlyq saqtaý mınıstriniń mindetin atqarýshynyń 2009 jylǵy 10 qarashadaǵy № 685 buıryǵyna sáıkes (Normatıvtik quqyqtyq aktilerdi memlekettik tirkeý tiziliminde № 5918 bolyp tirkelgen) profılaktıkalyq qarap-tekserýge jatatyn halyqtyń nysanaly toptary týraly jumys berýshini habardar etý; 3) MSAK uıymdarynda ótý kúni, ýaqyty jáne jumys berýshi usynǵan derekter boıynsha profılaktıkalyq qarap-tekserýge jatatyn jumys isteıtin halyqtyń tizimi kórsetilgen kesteni belgileý; 4) jumys berýshige profılaktıkalyq qarap-tekserýden ótpegen adamdar týraly aqparatty jiberý; 5) jumys berýshige júrgizilgen profılatıkalyq qarap-tekserýden keıin qosymsha tereń medısınalyq qarap-tekserýdi, dınamıkalyq baqylaýdy qajet etetin adamdar týraly aqparatty jiberý. 8. MSAK uıymdary profılaktıkalyq qarap-tekserý kezeńine jáne odan keıin: 1) jumys berýshilerdi jáne jumyskerlerdi salamatty ómir saltyn qalyptastyrý, aýrýlardyń jáne qaýiptiń minez-qulyqtyq faktorlarynyń profılaktıkasy máseleleri boıynsha habardar etý, konsýltasııa berý jáne oqytý; 2) jumys isteýshilerdiń densaýlyǵyn saqtaý jáne damytý áleýeti máseleleri boıynsha buqaralyq aqparat quraldarynda aqparattyq-túsindirý jumystaryn, jumys isteýshilerdiń densaýlyǵyn saqtaý boıynsha úzdik óndiristerdiń, úzdik jumys berýshilerdiń jáne t.b. úlgi kórsete bilýdi; 3) júrgizilgen profılaktıkalyq qarap-tekserý nátıjeleri boıynsha (aǵymdaǵy jylda bir retten kóp emes) aýrýlardyń qaýip faktorlarynyń bar bolýymen jumys isteıtin halyqtyń tobyn qalyptastyrýdy jáne ony monıtorıngteýdi; 4) aýrýlardyń qaýip faktorlaryna adamdardy jáne MSAK deńgeıinde salamatty ómir saltyn nasıhattaý algorıtmderine sáıkes naýqastardy profılaktıka ádisterine, salamatty ómirdi júrgizý daǵdylaryna oqytýdy; 5) beıinderi boıynsha «Densaýlyq mektepteri», jastar densaýlyq ortalyqtary, egde jastaǵy adamdardyń klýby jumystaryn uıymdastyrýdy; 6) aýrýlardyń sozylmaly túrlerimen aýyratyn adamdardy dıspanserlik esepke alýdy jáne dınamıkalyq baqylaýdy; 7) qoldanystaǵy zańnamaǵa sáıkes bekitilgen halyqqa psıhologııalyq kómekti jáne arnaýly áleýmettik qyzmetterdi kórsetýdi qamtamasyz etedi. 9. Profılaktıkalyq qarap-tekserý júrgizetin MSAK uıymdary profılaktıkalyq qarap-tekserý júrgizý sapasyna quqyqtyq jaýapkershilikte bolady. 2. Tegin medısınalyq kómektiń kepildik berilgen kólemi sheńberinde profılaktıkalyq medısınalyq qarap-tekserýge jatatyn adamdarǵa osy qarap-tekserýden ótýi úshin jumys berýshilerdiń jaǵdaı jasaý tártibi 10. Jumys isteýshi halyqtyń profılaktıkalyq qarap-tekserýden ótýi úshin, jumyskerlerdiń profılaktıkalyq qarap-tekserýden ýaqtyly ótýi úshin jaǵdaı jasaý maqsatynda jumys berýshi óndiriste jaýapty adamdy taǵaıyndaıdy: 11. Jaýapty adam: 1) profılaktıkalyq qarap-tekserýge jatatyn jumyskerlerdiń tizimin qalyptastyrady; 2) «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksine sáıkes jumys berýshimen profılaktıkalyq qarap-tekserýge jatatyn adamdardyń tizimin kelisip, jumys isteıtin halyqtyń bekitilý orny boıynsha MSAK uıymdaryna jiberedi; 3) profılaktıkalyq qarap-tekserýden ótý kestesin MSAK uıymdarymen kelisedi; 4) MSAK uıymdaryna jáne jumys isteıtin halyqqa jumys berýshi bekitken profılaktıkalyq qarap-tekserýden ótý kestesin málimet úshin jetkizedi; 5) jumyskerlerdiń qarap-tekserýden ótýine monıtorıngti júzege asyrady; 6) jumys berýshige jumyskerlerdiń profılaktıkalyq qarap-tekserýden ótý qorytyndylaryn usynady. 12. Jumys berýshi jumys isteıtin halyqtyń profılaktıkalyq qarap-tekserýden ótýi úshin jaǵdaı jasaý maqsatynda: 1) profılaktıkalyq qarap-tekserýge jatatyn jumyskerlerdiń tizimin MSAK uıymdarymen kelisedi; 2) profılaktıkalyq qarap-tekserýden ótý kestesin bekitedi; 3) jumyskerlerge profılaktıkalyq qarap-tekserýden ótý ýaqytyna ony jumystan bosatý arqyly profılaktıkalyq qarap-tekserý; densaýlyq úshin qaýip faktorlary jóninde (temeki ónimderin tutyný, alkogoldi, nashaqorlyqty shekten tys tutyný, kóp qozǵalmaıtyn, durys tamaqtaný jáne basqa salamatty ómir saltyn júrgizý daǵdylary jóninde ambýlatorııalyq-emhanalyq uıymdar janynan «densaýlyq mektepteri» týraly habardar etý arqyly saýyqtyrý úshin jaǵdaı jasaıdy; 4) jumys ornynda salamatty ómir saltyn júrgizýdi yntalandyrý boıynsha is-sharalardy (­mindetti óndiristik gımnastıka sabaqtary, «deneni sergitý jattyǵýlary», trenajer zaldaryn qurý, sport keshenderine abonementter beredi, psıhologııalyq júktemeni túsirý kabınetin uıymdastyrady, taza aýyz sýdy jetkizý, tamaqtanýǵa arnalǵan úı-jaı) uıymdastyrady. 5) turaqty profılaktıkalyq qarap-tekserýden ótý qajettiligi týraly habardar etý jumysyn turaqty negizde júrgizedi; 6) jıi aýyrmaıtyn, óndiristiń atynan jarystarǵa, buqaralyq sport is-sharalaryna qatysatyn, óziniń densaýlyǵynyń áleýetin qoldaıtyn adamdarǵa kótermeleý sharalaryn usynady. 13. «Halyq densaýlyǵy jáne densaýlyq saqtaý júıesi týraly» Qazaqstan Respýblıkasy Kodeksiniń 155-babyna sáıkes Jumys berýshiler tegin medısınalyq kómektiń kepildik berilgen kólemi sheńberinde profılaktıkalyq medısınalyq qarap-tekserýden ótpegen adamdardy jumysqa jibermeýge tıis. 14. Halyqtyń ýaqtyly profılaktıkalyq qarap-tekserýden ótýin memlekettik sanıtarııalyq-epıdemıologııalyq qyzmet organdary, memlekettik medısınalyq kórsetiletin qyzmetter salasyndaǵy baqylaý organdary jáne eńbek jónindegi ýákiletti organnyń memlekettik eńbek ınspektory baqylaıdy. Buıryq Qazaqstan Respýblıkasynyń Ádilet mınıstrliginde 2015 jylǵy 4 maýsymda Normatıvtik quqyqtyq kesimderdi memlekettik tirkeýdiń tizilimine №11267 bolyp engizildi.