Foto: Istockphoto.com
Jańa erejege sáıkes, sý tutynýdy esepke alý júıesi birtindep sıfrlyq formatqa kóshiriledi. Iаǵnı, engiziletin «aqyldy» eseptegishter kórsetkishterdi avtomatty túrde jiberip, biryńǵaı standart boıynsha jumys isteıdi jáne bolashaqta Smart Turmys platformasyna qosylady.
О́zgerister barlyq sý eseptegishterin qamtıdy. Sonymen qatar, sýyq jáne ystyq sý tolyqtaı esepke alynady.
Jańa úlgidegi eseptegishter avtomatty japqysh klapannyń bolýymen erekshelenedi. Bul qurylǵy arqyly sýdy qashyqtan óshirýge nemese qosýǵa múmkindik bar. Degenmen, bul fýnksııa jetkizýshige sýdy óz betinshe toqtatýǵa quqyq bermeıdi. Mundaı sheshimder qoldanystaǵy zańnamalarmen, Sý kodeksi jáne kommýnaldyq qyzmet kórsetý qaǵıdalarymen retteledi.
Sala mamandarynyń aıtýynsha, qazirgi eseptegishterdi jappaı aýystyrý talap etilmeıdi. Olar qyzmet etý merzimi aıaqtalǵanǵa deıin qoldanysta bolady. Jalpy kóshý úderisi 2029 jylǵa deıin sozylady, ıaǵnı bul – birtindep júzege asatyn jańartý.
Smart Turmys júıesi ázirge ázirlenip jatyr. Aldymen kommýnaldyq qyzmetter tolyqtaı avtomattandyrylǵan esepke alý júıesin engizýi tıis, sodan keıin ǵana biryńǵaı platforma iske qosylady.
Eseptegishti aýystyrý tek naqty jaǵdaılarda qajet:
– alǵash ret ornatqanda;
– qurylǵy isten shyqqanda;
– qyzmet etý merzimi aıaqtalǵanda (ádette 10-12 jyl).
Eger eseptegish tekseristen ótse, ony aýystyrý mindetti emes. Mundaı tekserý ár 4-5 jyl saıyn júrgiziledi.
Al eseptegish buzylǵan nemese merzimi ótken jaǵdaıda, menshik ıesine 30 kún ishinde jańasyn ornatý mindeti júkteledi. Osy ýaqyt aralyǵynda tólem sońǵy 3 aıdyń ortasha kórsetkishi boıynsha esepteledi, biraq bul tásil 1 aıdan artyq qoldanylmaıdy. Eger eseptegish ornatylmasa, tólem jalpy tarıfpen esepteledi, al ol birneshe ese qymbat.
Jańa júıede kórsetkishterdi qolmen tapsyrý joıylady. Aqyldy qurylǵy derekterdi avtomatty túrde jetkizýshige joldaıdy.
Daýly jaǵdaı týyndasa, eń aldymen eseptegishtiń naqty kórsetkishi negizge alynady. Qajet bolsa, qaıta esep júrgizilip, qurylǵy kezekten tys tekseriske jiberiledi.
Baǵa máselesine kelsek, qazirgi tańda jańa úlgidegi eseptegishter qarapaıym quraldarmen salystyrǵanda shamamen eki ese qymbat. Kádimgi eseptegishter 8000 teńgeden, al aqyldy qurylǵylar 15 000 teńgeden bastalady.
Jalpy alǵanda, sý eseptegishterin jedel aýystyrý talap etilmeıdi. Eski qurylǵylar jumysyn jalǵastyra beredi, al jańasyna kóshý kezeń-kezeńimen iske asady. Barlyq shyǵyndy menshik ıesi óteıdi. Tek jańa úılerde qurylys salýshy birden jańa úlgidegi eseptegish ornatýǵa mindetti, áıtpese nysan paıdalanýǵa berilmeıdi.
Úkimet: Elimizdiń barlyq eldi mekeni 100% aýyz sýmen qamtyldy
