Foto: IIM
Ishki ister mınıstrliginiń málimetinshe, óńirde terrorıstik turǵydan osal 675 nysan anyqtalǵan, onyń ishinde 240-y – bilim berý uıymdary. Qazirgi ýaqytta mektepterde, medısınalyq kolledjderde jáne ózge de oqý oryndarynda antıterrorıstik qorǵalý deńgeıine keshendi tekserýler júrgizilip jatyr.
Tekserý barysynda beınebaqylaý júıeleriniń úzdiksiz jumys isteýi jáne olardyń Jedel basqarý ortalyqtaryna qosylýy, sondaı-aq dabyl túımeleriniń bolýy men jaramdylyǵy basty nazarǵa alynǵan. Budan bólek, jeke kúzet uıymdarynyń qyzmet sapasy men qyzmetkerlerdiń tótenshe jaǵdaıǵa daıyndyǵy da jiti qadaǵalanady.
Internette anonımdilik joq: Jalǵan aqparat taratqandar jaýapqa tartylady
Sonymen qatah bilim berý uıymdarynyń basshylyǵy men ujymdaryna profılaktıkalyq jáne túsindirý jumystary júrgizilip jatyr.
Polısııa málimetinshe, balalardyń qaýipsizdigi – basty basymdyq. Osyǵan baılanysty beınebaqylaý júıelerine baqylaý kúsheıtilip, patrýldik polısııa baǵyttary mektepterge barynsha jaqyndatylǵan.
Vedomstvo ókilderi qoǵamdyq tártipti saqtaý men óskeleń urpaqty qorǵaý negizgi mindetterdiń biri bolyp qala beretinin atap ótti. О́ńirdegi barlyq bilim berý nysandaryn keshendi tekserý belgilengen merzimde aıaqtalady.
