Mınıstrdiń aıtýynsha, tıisti ózgerister jaqyn ýaqytta bekitilýi yqtımal.
«Biz bul ózgeristerdi taıaý ýaqytta qabyldaımyz. Múmkin, kelesi aıda-aq ózgerister belgili bolady», dedi ol.
Vedomstvo basshysy atap ótkendeı, zeınetaqy jınaqtaryndaǵy jetkilikti shekterdiń naqty qalaı ózgeretini áli belgisiz. Bul másele memlekettik organdarmen birlesip talqylanyp jatyr.
Mınıstrdiń málimetinshe, tıisti qaýly jobasy eki ret usynylǵan. Alǵashqy nusqada shekterdi boljamdy ınflıasııa deńgeıine sáıkes arttyrý kózdelse, memlekettik organdar tarapynan sanattar boıynsha esepteý usynylǵan.
«Biz qaýly jobasyn joldadyq, qazir usynystardy kútip otyrmyz. Keıin bir formýlany tańdap, ony jobaǵa engizip, sońǵy kelisýge jiberemiz», dedi Asqarbek Ertaev.
Eske salaıyq, Úkimet zeınetaqy jınaqtarynyń jetkilikti shekterin arttyrý arqyly azamattardyń jınaqtaryn saqtaý jáne bolashaqta joǵary zeınetaqy qamtamasyz etýdi kózdep otyr. 2025 jyldyń 1 qańtarynan bastap bul shekter orta eseppen 10 paıyzǵa ósken. Buǵan deıin 2023-2025 jyldar aralyǵynda kórsetkishter ózgermegen edi.
