Qazaqstan Respýblıkasy Densaýlyq saqtaý jáne áleýmettik damý mınıstrliginiń buıryǵy  №288

2015 jylǵy 28 sáýir, Astana qalasy Dárilik zattardy reseptimen bosatýǵa jatqyzý qaǵıdalaryn bekitý týraly «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 69-babynyń 5-tarmaǵyna sáıkes buıyramyn: 1. Osy buıryqqa qosymshaǵa sáıkes Dárilik zattardy reseptimen bosatýǵa jatqyzý qaǵıdalary bekitilsin. 2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Medısınalyq jáne farmasevtıkalyq qyzmetti baqylaý komıteti: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kún ishinde merzimdik baspa basylymdaryna jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsyna ornalastyrýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri A.V.Soıǵa júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Mınıstr T.DÚISENOVA Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 28 sáýirdegi № 288 buıryǵyna qosymsha Dárilik zattardy reseptimen bosatýǵa jatqyzý qaǵıdalary 1. Osy Dárilik zattardy reseptimen bosatýǵa jatqyzý qaǵıdalary dárilik zattardy reseptimen bosatýǵa jatqyzý tártibin aıqyndaıdy. 2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Medısınalyq jáne farmasevtıkalyq qyzmetti baqylaý komıteti (budan ári – memlekettik organ) dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy saraptama uıymynyń (budan ári – saraptama uıymy) memlekettik tirkeý, qaıta tirkeý, tirkeý deregine ózgerister engizý kezinde dárilik zattyń saraptamasyn júrgizý nátıjeleri boıynsha berilgen qorytyndysynyń negizinde dárilik zatty reseptimen bosatýǵa jatqyzý týraly sheshim qabyldaıdy. 3. Saraptama uıymy dárilik zatty memlekettik tirkeý, qaıta tirkeý jáne onyń tirkeý deregine ózgerister engizý kezinde arnaıy farmakologııalyq saraptama satysynda dárilik zatty reseptimen bosatýǵa jatqyzý qajettiligin belgileý úshin: 1) komponentterdiń farmakologııalyq úılesimdiligin; 2) shyǵý tegi men erekshe belsendiligin; 3) qoldaný tásilderi men janama áserleriniń beıinin; 4) farmakologııalyq qasıetterin (farmakokınetıka, farmakodınamıka); 5) farmakokınetıkalyq parametrlerine sáıkes dozalardyń barabarlyǵyn: usynylatyn dozalardy, farmakokınetıkalyq qasıetterin eskere otyryp dozalaý rejımin taldaýdy jáne dozasynyń asyrylý qaýpin; 6) asyra paıdalaný qaýpi dárejesin (joǵary, bolmashy nemese joq), sondaı-aq dárilik zattarda esirtki, psıhotroptyq zattar men prekýrsorlardyń barynsha jetkilikti quramyn; 7) ýyttylyqty, urpaqty bolý fýnksııasyna áserdi, embrıondyq ýyttylyqty, teratogendikti, mýtagendikti, kanserogendikti zertteý nátıjelerin; 8) dárilik zattyń qaýipsizdigi men tıimdiligin: baıqalǵan asqynýlardy, janama áserlerdi taldaý, olardy joıý sharalary, dárilik zattyń mólsheri, konsentrasııasy men olardyń dárilik zattyń qaýipsizdigimen jáne tıimdiligimen ózara baılanysy negizinde klınıkalyq zertteýler nátıjesi boıynsha; qaýipsizdik týraly kezeńdilikpen jańartylyp otyratyn esepterdiń derekteri – preparattyń qaýipsizdik beıinin, jańa janama áserlerin, qarsy kórsetilimderin anyqtaýdy, basqa elderdegi preparat statýsynyń ózgerýin qaýipsizdik uǵymy boıynsha retteýshi organ nemese óndirýshi qabyldaǵan sharalar, preparattyń qaýipsizdigi, qaýipti jáne buryn tirkelmegen janama áserleriniń sıpaty men sany jónindegi aqparattaǵy ózgerister týraly jańartylǵan derekterdiń taldaýyn baǵalaýdy júrgizedi. 4. Dárilik zatty farmakologııalyq saraptaý nátıjesi boıynsha reseptimen nemese reseptisiz bosatýǵa jatqyzý týraly qorytyndy jasalady jáne bosatý sharty kórsetile otyryp, dárilik zattyń medısınalyq qoldaný jónindegi nusqaýlyǵyn bekitý úshin memlekettik organǵa usynylady. 5. Reseptimen bosatylatyn dárilik zattarǵa: 1) esirtki, psıhotroptyq zattar, prekýrsorlar jáne olardyń zańsyz aınalymy men olardy shekten tys tutynýǵa qarsy is-qımyl sharalary týraly Qazaqstan Respýblıkasynyń zańnamasyna sáıkes Qazaqstan Respýblıkasynda baqylaýǵa jatatyn, quramynda esirtki, psıhotroptyq zattar men prekýrsorlar bar dárilik zattar; 2) parenteraldyq engizýge arnalǵan dárilik zattar; 3) stasıonar jaǵdaıynda ǵana qoldanylatyn dárilik zattar, onyń ishinde dıagnostıkalyq dárilik zattar; 4) taǵaıyndaý men odan arǵy qabyldaý dárigerdiń turaqty baqylaýymen júrgizilýi qajet dárilik zattar; 5) dıagnozy stasıonar jaǵdaılarynda nemese qajetti dıagnostıkalyq jabdyǵy bar mekemelerde qoıylatyn, al dárilik preparatty qoldaný jáne odan arǵy baqylaý ambýlatorııalyq jaǵdaılarda júzege asyrylýy múmkin aýrýlardy emdeýge arnalǵan dárilik preparattar; 6) quramynda odan ári zertteýdi talap etetin dárilik sýbstansııa, belsendiligi jáne (nemese) keri áseri bar dárilik zattar: alǵash tirkelgen, jańa áser etýshi zaty bar dárilik preparattar; qoldanylý tájirıbesi shekteýli jáne (nemese) satylýy tómen dárilik preparattar (dárilik preparattyń basqa elderde tirkeýden keıingi qoldaný tájirıbesin, sonyń ishinde jalpy kópshilikte qoldanylýy (klınıkalyq zertteýler bolǵan kezde) esepke ala otyryp); jańa doza, dozalaýdyń jańa rejımi, engizýdiń jańa tásili, qoldanýǵa jańa kórsetilimder, jas shamasynyń jańa toptary; 7) dárilik preparatty medısınalyq qoldaný jónindegi nusqaýlyqqa sáıkes medısınalyq baqylaýsyz qoldanǵan kezde adam densaýlyǵyna qaýip tóndiretin (reprodýktıvti ýyttylyqty, gendik ýyttylyqty qosa alǵanda ýyttylyq, teratogendilik, kanserogendilik, dárilik preparattyń áser etýshi zatynyń farmakologııalyq belsendiligimen baılanysty mańyzdy jaǵymsyz reaksııalar, boljanbaǵan mańyzdy jaǵymsyz reaksııalar, jıi qoldanylatyn dárilik preparattarmen ózara áreketinen mańyzdy kóldeneń jaǵymsyz reaksııalar, negizgi aýrýdyń búrkemeleýin týdyrýy múmkin dárilik preparattar); 2) halyqtyń dárilik preparattyń medısınalyq qoldaný jónindegi nusqaýlyǵynyń talaptaryn saqtamaı qoldanýy kezinde adam densaýlyǵyna qaýip tóndiretin dárilik zattar (dárilik preparatty uzaq qoldaný kezindegi jaǵymsyz reaksııalary: toleranttyq, kýmýlıatıvtik áserler, toqtatý nemese rıkoshet sındromy, táýeldiliktiń damýy, dárilik ózara áseri). 6. Quramynda esirtki, psıhotroptyq zattar men olardyń prekýrsorlarynyń az dozasy bar, Qazaqstan Respýblıkasynyń zańnamasyna sáıkes baqylaýǵa jatpaıtyn jáne bul zattardy asyra paıdalaný úshin preparattan jetkilikti mólsherde ońaı tásilmen bólip alynbaıtyn kóp komponentti dárilik zattar reseptimen bosatylatyn sanatqa jatpaıdy. 7. Dárilik zattyń qaýipsizdigi men tıimdiligi boıynsha jańa faktiler kelip túsken jaǵdaıda saraptama uıymy osy málimetterge baǵalaý júrgizedi jáne nátıjeleri boıynsha dárilik preparattyń bosatý sanatyn ózgertý qajettiligi nemese qajettiliginiń bolmaýy týraly saraptamalyq qorytyndyny memlekettik organǵa sheshim qabyldaý úshin usynady. Buıryq Qazaqstan Respýblıkasynyń Ádilet mınıstrliginde 2015 jylǵy 29 mamyrdaǵy Normatıvtik quqyqtyq kesimderdi memlekettik tirkeýdiń tizilimine №11233 bolyp engizildi.